'27 janari', Basha publikon video:
Pse shqiptarët duhet të protestojnë

Kryetari i Partisë Demokratike, Lulzim Basha vijon turin e takimeve me mbështetës në rrethe nga ku ka kërkuar pjesëmarrje sa më të madhe në protestën e 27 janarit përpara Kryeministrisë. 

Pas takimeve në Elbasan dhe Berat, Lulzim Basha postoi në Facebook një video ku akuzon Edi Ramën se ka bërë ligj për të mborojtur deputetët e korruptuar si dhe ka vendosur dy standarte, një për vete dhe një për qytetarët.

Videoja, që mbyllet me thirrjen ndaj shqiptarëve për t’i thënë “ndal” kësaj qeverie, vjen në kuadër të përgatitjeve të opozitës për protestën e 27 janarit që do të mbahet në Tiranë.