Eurodeputeti gjerman, Knut Fleckenstein, i cili është dhe raportues për Shqipërinë në parlamentin Europian, ka shkruar në profilin e tij në rrjetin social Facebook se ka takuar një shqiptare, e cila punon në Greqi.

Fleckenstein gjithashtu ka shkruar edhe se gruaja e quajtur Valeria, i ka thënë se shumë shpjejt do të kthehet në Shqipëri për të punuar. Mesa duket Knut Fleckenstein është shumë i lidhur me Shqipërinë, përderisa mundi të takonte një shqiptare në Greqi, gjatë pushimeve të tij.

"Sa më shpejt aq më mirë. Shqipëria ka nevojë për njerëz aktivë, si ajo dhe burri i saj. Uroj familja e saj të gjej një të ardhme sa të mirë në vendin e saj”, ka shkruar edhe më tej Knut Fleckenstein.

Statusi i plotë i Fleckenstein:

''Gjatë pushimeve të mia në Greqi kam takuar sot Valeria . Ajo vjen nga Shqipëria, dhe punon shumë këtu. Ajo më tha, se një ditë do të kthehet me familjen e saj në Shqipëri. Sa më shpejt aq më mirë. Bukur. Shqipëria ka nevojë për njerëz aktivë, si ajo dhe burri i saj. I uroj fat familjes së saj në të ardhmen në Shqipëri''.

Fleckenstein

Redaksia Online
XH.M/shqiptarja.com