Italiani Andrea Pirlo, kampion i botës në 2006 dhe fitues i dy  Ligave të Kampioneve, i ka dhënë fund të dielën në SHBA karrierës së tij futbollistike, gjatë së cilës u vlerësua në të gjitha terrenet evropiane ku luajti per elegancën dhe kualitetin e pasimeve unike.

“Aventura ime me Nju Jorkun përfundoi, por edhe karriera ime si një lojtar profesionist”, shkruajti Pirlo në Twitter, duke falënderuar familjen e tij dhe “çdo klub që kisha nderin të luaja” dhe “çdo shok te ekipit me të cilin isha i lumtur të luaja “.

Pirlo, 38 vjeç, shkoi në Shtetet e Bashkuara në fund të sezonit 2014-2015, pasi fitoi titullin e kampionit të Italisë me Juventusin, i gjashti për të, dy prej te cilëve me AC Milan dhe katër me klubin torinez. Në SHBA ai luajti me New York City FC.

Ai kishte njoftuar se sezoni i tanishëm do të ishte i fundit për të si lojtar./ATA

Redaksia Online
adr/shqiptarja.com