'CEZ', Komisioni thërret Shkëlzen
Berishën të dëshmojë me 1 shkurt

'CEZ', Komisioni thërret Shkëlzen<br />Berishën të dëshmojë me 1 shkurt
Shkëlzen Berisha, djali i ish-kryeministrit Sali Berisha,  është thirrur të dëshmojë në Komisionin Hetimor për CEZ pasditen e 1 shkurtit.

Me votat e maxhorancës, Komisioni i drejtuar nga Taulant Balla vendosi që djali i ish-kryeministrit të japë sqarimet e tij për lidhjet me Nuel Kalaj dhe të gjithë historinë e privatizimit të OSSHE.

Po të mërkurën Komisioni do të dëgjoje edhe Nuel Kalajn, i cili nuk u paraqit as mbledhjen e sotme, ndërkohë që iu kërkuar policisë që të sillet para komisionit edhe ish-drejtori i pastrimit të parave Arben Doci, i cili gjithashtu nuk u paraqit para komisionit për të dëshmuar.

Komisioni Hetimor për aferën CEZ ka gjetur prova të mjaftueshme të cilat e lidhin Shkëlzen Berishën me një prej aferave më të mëdha korruptive në historinë e pluralizimit shqiptar. 

Sipas dokumenteve të komisionit, Shkëlzen Berisha, në bashkëpunim me Nuel Kalajn, ka luajtur rolin e sekserit para dhe gjatë privatizimit të CEZ, duke negociuar me përfaqësuesit e kompanisë çeke, në këmbim të përfitimit.

Ndërsa prova më konkrete për këtë, janë transaksionet e Nuel Kalajt në vlerën e 7 milionë euro, të tërhequra pak ditë përpara zgjedhjeve parlamentare të vitit 2009. 

Redaksia Online
l.q/Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet