FIER - "Dua atlete dhe makinë". Këto janë kërkesat e çuditshme të 32-vjeçarit nga Fieri i cili kërcënon me hedhje nga shtylla e tensionit të lartë në fshatin Buzëmadh të Cakranit.

Arjan Lamçe vijon të qëndrojë që prej orës 12:00 në një shtyllë të tensionit të lartë 110 kW, energjia në të cilën është ndërprerë dhe kanë mbetur pa drita disa fshtatra për rreth.  

32-vjeçari, mësohet se është baba i dy fëmijëve, ndërsa nuk dihen arsyet që e kanë shtyrë drejt këtij veprimi. 32-vjeçari nuk është bindur nga familjarët për të zbritur nga lartësia, ndërsa ka parashtruar dy kërkesa absurde për të lënë shtyllën, atlete dhe makinë. 

Në vendngjarje ndodhet policia dhe shërbimet zjarrfikëse. 
fier
(Arjan Lamce, 32-vjeç tenton të hidhet nga shtylla)

 

Redaksia Online
l.q/Shqiptarja.com