'Je harbut' Rama ironi ndjekësve:
Ke të drejtë, Berisha të vriste!

Kryeministri Rama ka replikuar me miqtë virtualë në faqen e tij në Facebook në lidhje me protestën e opozitës, Vettingun, por edhe atyre që mendojnë se duhet të largohet dhe e cilësojnë si kryeministrin më të keq që ka pasur vendi.
 
Rama shprehet se nuk ka popull idiot dhe se e respekton protestën, por i cilëson mendjelehtë udhëheqësit e tubimit.
 
"Nuk ka popull idiot dhe nuk ka njerëz të thjeshtë që protestojnë e nuk meritojnë respekt! Ka udhëheqës mendjelehtë që meritojnë vetëm shpërfilljen e popullit" i përgjigjet Rama një komentuesi.
 
Ndërsa një tjetër e cilëson harbut dhe kryeministrin më të keq që ka pasur Shqipëria, por Rama i përgjigjet duke i kujtuar atë që bëri Berisha në 21 Janar.
 
"Keni te drejte ishte i mirësjellshëm kryeministri që vriste e mallkonte protestuesit".
 
Pyetjes për arrestimin e të korruptuarve në sistemin e drejtësisë, Rama i përgjigjet se do ta bëjë Vettingu dhe jo qeveria.





Replikat e Rames në Facebook me komentuesit



dy.b/shqiptarja.com