POP 5

Lajmet më të lexuara të 5 minutave të fundit

Sport

'Shqipëria Jo Duhanit', Kombëtarja 
e futbollit i bashkohet nismës

Ministri Beqaj zhvilloi një takim me ekipin kombëtar të futbollit në kuadrin e mbështetjes që përfaqësues të shoqërisë civile dhe personalitete të shquara të sportit, artit, kulturës e shkencës po japin për Nismën “Shqipëria Jo Duhanit”. VIDEO
Ministri i Shëndetësisë, Ilir Beqaj zhvilloi një takim me ekipin kombëtar të futbollit në kuadrin e mbështetjes që përfaqësues të shoqërisë civile dhe personalitete të shquara të sportit, artit, kulturës e shkencës po japin për Nismën “Shqipëria Jo Duhanit”.
 
Të gjithë lojtarët e përfaqësues sonë të futbollit i’u bashkuan njëzëri nismës së “Shqipëria Jo duhanit”, e cila u lançua javën e parë të shtatorit nga disa organizata dhe aktorë të shoqërisë civile, mbështetur nga Ministria e Shëndetësisë, me synim informimin dhe ndërgjegjësimin e publikut për t’i thënë ndal duhanpirjes.
kombetarja antiduhan
Lojtarët e ekipit tonë përfaqësues u shprehën se kjo është një përpjekje që duhet ta bëjmë bashkërisht, duke përcjellë mesazhin edhe te rinia se, duhanpirja është realisht e dëmshme për shëndetin.
 kombetarja antiduhan
 “Ne besojmë se mbrojtja e shëndetit nga duhanpirja, është një nga sfidat kryesore të sistemit shëndetësor, por pa dyshim të Ministrisë së Shëndetësisë,” – tha Ministri Beqaj ndërmjet të tjerash, duke shtuar se “jemi të bindur se duhet të punojmë në shumë plane, përveç zbatimit rigoroz të ligjit bashkë me ndryshimet e reja.
kombetarja antiduhan
Është shumë e rëndësishme të promovojmë tek të rinjtë sportin. Dëshiroj të falenderoj ekipin Kombëtar të futbollit që pranoi ftesën tonë dhe iu bashkua nismës “Shqipëria Jo Duhanit”. Me këtë rast, i bashkohemi edhe ne urimeve të gjithë shqiptarëve, për t’i uruar ekipit Kombëtar të futbollit suksese në dy ndeshjet e radhës”.
 kombetarja antiduhan
Ekipi kombëtar i futbollit është aktualisht në fazën stërvitore në vigjilje të ndeshjes së të shtunës me Danimarkën, e vlefshme për eliminatoret e Kampionatit Evropian të Futbollit 2016 dhe Ministri Beqaj pati rastin të takohet me kreun e Federatës Shqiptare të Futbollit Armand Duka dhe drejtues të tjerë të institucionit më të lartë të futbollit në vend, kapitenin e ekipit Lorik Canaj, trajnerin Gianni De Biasi dhe pjesëtar të tjerë të ekipit tonë përfaqësues.


d.b/shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Moti i keq/ Në Korçë 893 abonentë pa energji! Pala greke ndalon hyrjen e kamionave dhe autobuzëve në Kapshticë

Moti i keq/ Në Korçë 893 abonentë pa energji! Pala greke ndalon hyrjen e kamionave dhe autobuzëve në Kapshticë

13 Janar, 09:52