POP 5

Lajmet më të lexuara të 5 minutave të fundit

Kronikë

4 ditë i zhdukur në lumin Seman, telefonata e fundit e Likës: Më ka marrë malli për nipin! Dyshimet: 26-vjeçari ishte me shpejtësi, makina zhytur në llucë

Në të katërtën ditë, policia ende nuk ka asnjë gjurmë nga automjeti që Mateo Lika kishte marrë me qira dhe dyshohet se u aksidentua në urën e Mbrostarit duke rënë në lumin Seman. Report Tv zbulon telefonatën e fundit të 26-vjeçarit me shoqen e tij në Gjermani, të cilës i rrëfeu se do ikte tek motra në Tiranë pasi e kishte marrë malli për nipin. Ekspertët dyshojnë se makina mund të ketë qenë me shpejtësi ndërsa makina mund të jetë zhytur në llucën e lumit.

Prej orës 02:08 të mëngjesit të së dielës, celulari i 26-vjeçarit Mateo Lika rezulton i fikur, teksa dyshimet kryesore të policisë janë se ai ka përplasur kangjellat mbi urën e Mbrostarit dhe ka rënë në ujërat e lumit Seman. Report Tv mëson se Policia e Fierit ka arritur të zbardhë komunikimin e fundit të Likës me një mikeshë të tij në Gjermani, shtet nga i cili i riu ishte kthyer prej pak kohësh. Ajo u ka rrëfyer hetuesve se Mateo i kishte thënë se do të shkonte të takonte të motrën në Tiranë pasi e kishte marrë malli për nipin.

Pavarësisht se prej katër ditësh kontrollet e polumbarëve të RENEA-s kanë qenë intensive, asnjë shenjë e të riut dhe makinës së tij nuk është gjetur. Dyshimet janë që për shkak të thellësisë ku mund të ketë përfunduar makina, llucës dhe rrjedhës së ujit në lumin Seman, magnetët e RENEA-s të mos kapin gjë. Burime nga policia bëjnë me dije se sipas ekspertëve, të cilët kanë verifikuar dinamikën e dëmtimit të parmakëve të urës, shanset janë që makina të ketë përfunduar në ujë. Dyshimet e hetuesve janë se i riu Mateo Lika të ketë lëvizur me shpejtësi të lartë me automjetin tip “Golf”, të cilin e kishte marrë me qira.

Në pjesën e urës policia gjeti vetëm targën e makinës dhe në vijim pritet që polumbarëve të RENEA-s, në kërkime, t’u bashkohen edhe mjete të tjera si ekskavatorë për të lëvizur materialin në fund të lumit, me shpresën se do të konstatohet makina.

Këtë të mërkurë, është krehur me varkë e gjithë rrjedha e lumit deri në grykëderdhjen e Semanit nga efektivë të policisë në bashkëpunim me punonjës te ADZM-së, ndërkohë që paralel po kërkohet me dron edhe nga ajri. Gjatë kësaj të mërkure polumbarët e RENEA-s nuk kanë qenë të pranishëm në këtë operacion kërkimi.

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Sot i jepet lamtumira kryepeshkopit Anastas, Patriarku Bartolomeu do drejtojë ceremoninë! Në Tiranë delegacion nga e gjithë bota e krishterë, Rama e Mitsotakis fjalim

Sot i jepet lamtumira kryepeshkopit Anastas, Patriarku Bartolomeu do drejtojë ceremoninë! Në Tiranë delegacion nga e gjithë bota e krishterë, Rama e Mitsotakis fjalim

30 Janar, 08:40