POP 5

Lajmet më të lexuara të 5 minutave të fundit

Politikë

Opozita e re! 4 kandidatë të LSI drejt karrigeve të deputetit

Dorëzojnë formularët e vetëdeklarimit në KQZ 4 kandidatë të LSI, duke hedhur kështu hapin kryesorë për tu bërë deputetët e rinj të LSI-së në Kuvendin e Shqipërisë. Tre kandidatët janë, Ylli Shehu, Enver Roshi, Aurora Mara dhe Edmond Rrushi.

57 vendet bosh të opozitës së dorëhequr nga Parlamenti, pritet të zëvendësohen nga kandidatët në listat zgjedhore të forcave politike opozitare, në zgjedhjet parlamentare të 2017-ës.

Report Tv, mëson se 4 kandidatë të Lëvizjes Socialiste për Integrim, kanë hedhur hapin e parë për të shkuar drejt karriges së deputetit në Kuvendin e Shqipërisë. Këtë të premte ata i janë përgjigjur thirrjes së Komisionit Qendror të Zgjedhjeve, duke dorëzuar në këtë institucion formularët e vetëdeklarimit. Një hap ky i detyrueshëm me ligj, për tu verifikuar pastërtia e tyre në sajë të ligjit të dekriminalimit.

Katër kandidatët janë, Ylli Shehu, Enver Roshi, Aurora Mara dhe Edmond Rrushi.

Report Tv mëson gjithashtu se në total deri më tani janë 11 kandidatë nga PD dhe LSI që pritet të pranojnë mandatet, pas vendimit të opozitës së bashkuar, që çoi në djegien e mandateve.

Nga Kuvendi dolën, PD dhe aleatët e djathtë, dhe LSI. Kundër vendimit të partive, dolën Lefter Koka i LSI-së dhe Myslim Murrizi i PD-së, të cilët nuk hoqën dorë nga mandati i deputetit. Ndërkohë, Rudina Hajdari e PD-së, ka dhënë sinjalet se nuk do të dorëzojë mandatin. Ndërsa sot dhanë dorëheqjen edhe Nard Ndoka, pasi më herët ndodhej jashtë shtetit, dhe Agron Duka, i Partisë Agrare.

Listës së LSI-së mund t’i shtohet edhe Ralf Gjoni, i 11-i në listën e Tiranës. Ai nuk ka pranuar të firmosë heqjen dorë nga mandati, sipas kërkesës së LSI dhe ka deklaruar pas një takimi me eurodeputetin Knut Fleckenstein se do të vendosë për mandatin, pasi të thirret nga Komisioni Qendror i Zgjedhjeve dhe pas disa konsultimeve.

Po sot, në KQZ mbërriti edhe  përfaqësuesi ligjor i Partisë Demokratike, Ivi Kaso i cili dorëzoi listën me emrat e dorëhequr të kandidatëve. Ai tha për gazetarët se të gjithë kandidat në listën e PD kanë firmosur dorëheqjen e parevokueshme, por ka emra nga aleatët që nuk e kanë dorëzuar dorëheqjen.

"Për të gjithë këta persona që i përkisnin PD, kemi dorëzuar dorëheqjen individuale të parevokueshme. Të gjithë kandidatët që kanë qenë pjesë e listës së PD, të gjithë kanë firmosur dorëheqjen e parevokueshme. Përveç ndonjë kandidati, i cili ka qenë pjesë e partive aleate para 2017, që janë raste të njohura publikisht dhe kanë shprehur vullnetin për të mbajtur mandatin, por nuk janë persona që janë të PD, që bëjnë pjesë në koalicionin opozitar", - u shpreh Ivi Kaso.

Por kjo deklaratë bie ndesh me atë që po ndodh realisht. Report Televizion mëson se ka ende të tjerë kandidatë të lënkundur që mund të pranojnë mandatin.Report Televizion mëson se janë dorëzuar në total, 48 dorëheqje të kandidatëve, nga 57 që duhej të ishin në total. 37 kandidatë janë dorëhequr nga PD, nga 40 që duhej të ishin dorëhequr. Ndërkohë, 11 kandidatë nga listat e LSI-së kanë firmosur dorëheqjet, nga 17.

Nuk dihet ende se si do të veprojë KQZ pas veprimit të PD-së, pasi si procedurë, nuk mund të dorëzohet në bllok dorëheqja e kandidatëve, kur fillimisht duhet bërë njoftimi i veçantë  secilit prej tyre. Brenda 10 ditëve nga thirrja e KQZ-së, kandidati duhet të dorëzoje formularin e vetëdeklarimit, ose në të kundërt brenda këtij afati të deklarojë dorëheqjen nga thirrja për të zëvendësuar deputetët e larguar të PD-së.

G.M.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Juna: 01/03/2019 18:10

    Keta jane anonime perpara Sokol Dervishit

    Përgjigju
  • Erik: 01/03/2019 16:14

    Autogoli qe po pastron parlamentin. Mi se vini

    Përgjigju
  • Eri: 01/03/2019 16:12

    Oposit Shqiptare..me ne fund do kemi persona jo horra

    Përgjigju
  • SONA DSHP Gramsh: 01/03/2019 13:16

    Dr Enveri si ka marre koka ere akoma te ndryshoje vijen e partise.

    Përgjigju
  • Lami: 01/03/2019 13:08

    Edhe Agron Duka vetë i pestë është gati që ti marrë mandatet mjafton që PS të deklarojë gatishmërinë për ndryshimin e kodit zgjedhor.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46