4 shkolla të reja me PPP, Bashkia e Tiranës shpall fituesin

TIRANË- Bashkia e Tiranës shpall fituesin e koncensionit që do të ndërtojë 4 shkolla të reja në Kryeqytet. Bëhet fjalë për një bashkim  prej 6 operatorësh ekonomikë të cilët kanë paraqitur ofertën më datë 09.09.2019.

Vlera totale e  ndërtimit të shkollave kap vlerën e  1,738,456,241.9 pa TVSH.

Kjo kosto përfshin financimin, ndërtimin, mobilimin, mirëmbajtjen, mbikëqyrjen dhe kolaudimin e katër objekteve arsimore në zonën Tirana 4, më saktësisht dy në zonën e Dajtit, një në njësinë numër 8 dhe një shkollë tjetër në njësinë administrative numër 2.

Bashkia e Tiranës njofton se ka pranuar ofertën për procedurën e Partneritetit Publik-Privat bërë nga këto operatorë.

Kompania koncensionare që do të ndërtojë shkollat me të ardhurat e veta  do t'i mirëmbajë për 7 vjet, ndërsa Bashkia e Tiranës do ta bëjë pagesën me këste gjatë kësaj periudhe, duke i përllogaritur edhe një rimbursim për marzh fitimi në masën 6.28 % në vit.

Afati i negocimit të kontratës sipas bashkisë së Tiranës është dy muaj.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës