4 anëtarë të NATO-s, vendet balltike dhe Polonia kërkojnë aktivizimin e nenin 4 të Traktatit të Aleancës, ja çfarë nënkupton

Shtetet anëtare të NATO-s, Polonia dhe vendet balltike Estonia, Letonia dhe Lituania kanë aktivizuar  Nenin 4 të Traktatit të NATO-s për të nisur konsultimet brenda aleancës mbi sulmin e Rusisë ndaj Ukrainës.

"Palët do të këshillohen bashkërisht kurdoherë që, sipas mendimit të cilësdo prej tyre, kërcënohet integriteti territorial, pavarësia politike apo siguria e cilësdo prej Palëve", thotë neni 4 i Traktatit të Atlantikut të Veriut.

Sipas faqes së internetit të NATO-s, konsultimi sipas nenit 4 mund të çojë në veprim kolektiv midis 30 vendeve anëtare.

Faqja e internetit thotë se neni 4 është përdorur gjashtë herë më parë që nga formimi i aleancës në vitin 1949, së fundmi nga Turqia në shkurt 2020 pasi dhjetëra ushtarë turq u vranë nga një sulm nga forcat qeveritare siriane në zonat e kontrolluara nga opozita në Sirinë veriore.

Turqia ka përdorur nenin 4 në katër raste të tjera: një herë në 2015 për të informuar aleancën për reagimin e saj ndaj sulmeve terroriste në vend; dy herë në vitin 2012 pasi një avion luftarak turk u rrëzua në veri të Sirisë dhe pasi civilët turq u vranë nga granatimet siriane; dhe në vitin 2003 kur kërkoi ndihmë nga aleanca për të mbrojtur popullsinë e saj nga çdo përhapje e luftës në Irakun fqinj.

Lajmi kryesor:

Rusia sulmon Ukrainën, tronditet bota! Biden: Çdo aset rus 'ngrin', e nxjerrim nga ekonomia botërore! Kremlini: Garanci nga Kievi që s'do anëtarësohet në NATO! Protesta kundër Putinit edhe nga rusët

K.T./r.k./Shqiptarja.com

TAG:
• rusia sulmon ukrainen
• konflikti rusi-ukraine
• rusia
• ukraina
• rusia pushton ukrainen