41 faqe argumente pse duhet shkarkuar Meta! 50 deputetët: Krijoi ndasi sociale e politike, nxiti daljen e militantëve në rrugë që terrorizonin qytetarët

Në një dokument 41 faqësh, mazhoranca ka dhënë argumentet se përse duhet shkarkuar presidenti Ilir Meta. Sipas tyre, Meta ka shkelur Kushtetutën, që ka nisur që me marrjen e detyrës së tij si kreu i shtetit dhe ka arritur kulmin në fushatën zgjedhore.

“Në periudhën para dhe gjatë fushatës zgjedhore, Meta ka kryer në mënyrë të përsëritur disa akte dhe sjelle që në vlerësimin tonë përbëjnë shkelje të rënda dhe flagrante të Kushtetutës. Këto akte janë bërë shkak për ndasi sociale dhe politike dhe nuk i kanë shërbyer interesit të përgjithshëm të popullit, Këto aktet konsistojnë në sjellë dhe mesazhe publike të tij në kundërshtim me parimin e unitetit. (...)Meta nuk ka garantuar unitetin publik, ka nxitur në terma të tilla të cilat sollën si pasojë daljen e organizuar të militantëve të partive politike në rrugë duke terrorizuar qytetarët, duke kufizuar lirinë e tyre të lëvizjes dhe lirinë personale deri në kryerjen e konflikteve me armë dhe humbjen e jetës së një personi dhe plagosjen e disa të tjerëve duke përfshirë vënien në rrezik të jetës se efektivëve të Policisë së Shtetit”, shkruhet në dokument.

LEXO EDHE:
Një muaj pasi u zgjodh nga Kuvendi, Ndriçim Xhepa jep dorëheqjen si anëtar i Këshillit Drejtues të RTSH

Lajmi kryesor:

PS mbledh 50 firma për të shkarkuar Presidentin: Nxiti ndasi sociale dhe krijoi destabilitet! Meta: Shashkë, merruni me krimet zgjedhore (DOKUMENTI i plotë)

B.K./Shqiptarja.com

TAG:
• PS
• taulant balla
• Kuvendi i Shqiperise
• partia socialiste
• shkarkimi i metes