Rruga Durrës-Morinë, e mbiquajtur Rruga e Kombit është ndërtuar shumë keq. E njëjta kompani e huaj që ka bërë rrugën Prishtinë-Morinë nga ana e Kosovës ka punuar atje me një cilësi krejtësisht tjetër, shumë mirë. Ndoshta ka qenë e mbikqyrur më shumë nga shteti i Kosovës, ndoshta janë arësye të tjera. Kjo sot ka pak rëndësi për ekzistencën e saj.
Ka pak rëndësi që kushtoi tre herë më shtrenjtë nga parashikimi dhe që është e vetmja rrugë me vlerë mbi 100 milionë euro në Evropë në këto 100 vitet e fundit që ndërtohet pa një projekt të plotë paraprak. Mirëmbajtja e Rrugës së Kombit nga këtej kufirit kërkon trefish fonde, në krahasim me shpenzimet për mirëmbajtje për një kilometër në anën kosovare. Nga 5-6 milionë euro në vit, kërkon trefishin. Që nga koha kur u ndërtua, 8 vite më parë, këto 110-120 milionë euro mirëmbajtje janë përballuar nga Buxheti ynë i Shtetit. Në periudha të caktuara kohore, rruga u la në mëshirën e fatit. Mirëmbajtja, krejtësisht defektoze dhe jo sipas standardeve, u kthye gradualisht në një barrë të rëndë për Shtetin tonë.
Mirëmbajtja duhej dhënë që në fillim me koncesion dhe rruga të tarifohej që pas inagurimit të saj(pjesës Rrëshen-Kalimash) në janar 2010. Ajo rrugë shkurton shumë kohë, karburant dhe amortizim makine dhe është e drejtë të paguhet për përdorimin e saj. Sikurse sapo hyn në autostradën për në Podgoricë, apo për në autostradat greke, paguan tarifën përkatëse. Po të ishte vendosur tarifimi që në fillim askush nuk do të kishte kundërshtuar dhe nuk do të ishte ndjerë keq. Por nuk u bë. U gabua nga të trija qeveritë e periudhës 2010-2017.
Tani që në prill nis tarifimi, orekse krejtësisht të padrejta me arësyen ekonomike ushqejnë ide dhe skenarë politikë apo dhe më keq, pasione partiake të ndarjes veri-jug. Kjo nuk ka kuptim. Rruga duhej tarifuar që në fillim dhe ajo po tarifohet tani. Qeveritë e viteve 2009-2013 dhe 2013-2017 nuk guxuan ta bënin, për shkak të kostos zgjedhore të kësaj mase. Por një ditë duhej bërë. Kosto e mirëmbajtjes së rrugës po kthehej në e papërballueshme. Mund të ishte zgjedhur një nivel tarifimi më i ulët. Pa futur Tatimin mbi Vlerën e Shtuar(TVSH), që e çon tarifën në 6 mijë e 500 lekë të vjetra(5 euro) për autoveturat. Nuk ka pse të aplikohet TVSH për këtë lloj shërbimi, pse është për të gjithë popullsinë që përdor automjete dhe përfaqëson një bosht rrugor me interesa të veçanta strategjike për vendin.
5 mijë lekë të vjetra janë gjithnjë më pak dhe paguhen më lehtë për këdo që përdor rrugën, se sa 6 mijë e pesëqind lekë të vjetra. Po ashtu, për industrinë dhe kompanitë e tjera shqiptare që eksportojnë në Kosovë e më tej, tarifa 22 euro e gjysëm për kamion të tonazhit të rëndë mund të vilej, por duke u kompensuar nga mospagimi i shërbimit të skanimit, i cili kushton pothuajse po aq. Kjo qeveri e sotme, që realisht po bën shumë pak për eksportet e vendit (të cilat po kalojnë një periudhë të vështirë me euron në nivelin më të ulët 1290 lekë të vjetra), nuk është ende vonë të lëvizë dhe ta bëjë këtë kompensim.
Pala e interesit që me shumë të drejtë ndihet më e goditur dhe si e prerë në besë, ngaqë njoftimi erdhi si rrufe në qiell të hapur, është ajo kosovare. Janë mbi 230 mijë automjete që sjellin 1.7 milionë qytetarë të Kosovës(kaq ishin pushuesit, vëllezërit tanë të përtej kufirit, për vitin 2017) për pushimet e verës në Shqipëri. Kosto prej 10 eurosh(pesë në hyrje në Morinë dhe pesë në Durrës në kthim) është e përballueshme, pasi pushimet në Shqipëri janë gjithnjë më ekonomike se sa ato në Mal të Zi apo Kroaci, por kosovarët kanë të drejtë të pyesin:
përse qeveria e Shqipërisë nuk na njoftoi për këtë masë kur u zhvilluan takimet e dy qeverive në Prishtinë dhe në Vlorë gjatë vitit të kaluar? Apo qeveria nuk e dinte se do ta vendoste këtë tarife?! Përse na vunë përpara faktit të kryer? Kanë shumë të drejtë dhe qeveria jonë u ka borxh një falje publike dhe një shpjegim të hollësishëm të arësyeve ekonomike që e bënë të domosdoshëm tarifimin e Rrugës së Kombit nga këtej kufirit. Vetëm kështu mund të tregohet tërësisht transparente dhe e drejtë, sikurse është e udhës të tregohet.
Komente
Lajme të tjera
-
Champions League/ Liverpool mposht 2-0 Real Madridin, Mbappe dhe Salah humbasin penallti! Juve tre ndeshje pa fitore, tri pikë për Dortmund e Lille
27 Nëntor, 22:55 -
DOSJA/ 'Mami është mërzitur, nuk e keni falenderuar', fjalët e Megi Fetahut 'prekin' Suel Çelën: Për Pajtimen hidhemi të gjithë në zjarr
27 Nëntor, 22:46 -
Spahiu: Meqë Berisha kërkon qeveri teknike me PS, uroj që Rama ta bëj ministër 4 vite
27 Nëntor, 22:41 -
Spahiu: Lirimi i Berishës nuk është vendim pafajësie por thjesht masë sigurie
27 Nëntor, 22:38 -
Po tani, ka drejtësi zoti Berisha ?
27 Nëntor, 22:37
-
Kërkesa e opozitës për qeveri teknike, Alimehmeti në 'Repoltix': Duhet vullnet politikë nga PD dhe PS! Zarat janë hedhur! Faik Basha: E nevojshme
27 Nëntor, 22:25 -
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion
27 Nëntor, 21:56 -
Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi
27 Nëntor, 21:51
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Prag feste, Rama ndan fotoalbumin e fëmijëve veshur kuqezi
27 Nëntor, 21:35
1 kamion qe te transportoje mall ne Shqiperi duhet te vije bosh te te shkoje plot. ne te 2 anet e rruges do paguaje 22.5euro dmth totali 45 euro, kamione ngarkojne 25 ton pra do te paguajne 1 euro ne ton takse. kjo eshte jashte cdo logjike biznesi...
PërgjigjuSi paska pak rëndësi se kushtoi tre herë më shumë se parashikimi?! Çfarë dëshiron të na shprehi autori kur bën kapërcime të tilla të pandershme? Nuk do të ishte keq sikur autori të thellohej në çështjen e atyre mbledhjeve të përbashkëta të qeverive Ks - Alb. Për çfarë u bënë? A mund t'i besohet më Ramës, kur shohim se mbledhjet e qeverisë janë vetëm shfaqje dhe vendimet merren gjetiu? Sikur i kishim harruar kohët kur xha Brahos i mësohej si zihej rakia. Në një shkrim tjetër, një shkrues i panjohur na sillte shembullin e Urës së Patrës në Greqi. Në një shikim të shpejtë i të dhënave të Shqipërisë dhe Greqinë kemi si më poshtë: PPP = Purchasing power parity - PPP, d.m.th fuqia blerëse e barasvlerësuar. GNI per capita, Atlas method (current US$) https://data.worldbank.org/indicator/NY.GNP.PCAP.CD?locations=AL-GR Të ardhurat për frymë në dollarë sipas vitit Country 1962 2016 Albania 4,180 Greece 630 19,050 GNI per capita, PPP (current international $) https://data.worldbank.org/indicator/NY.GNP.PCAP.PP.CD?locations=AL-GR Të ardhurat për frymë sipas fuqisë blerës të barasvlerësuar dhe vitit. Country 1990 2016 Albania 2,720 11,350 Greece 13,590 27,150 Në Shqipëri nuk kemi arritur ende fuqinë blerëse të vitit 1990 të Greqisë! Përfundimet mund të nxirren vetë, pa ndonjë stërmundim. Në lidhjen më poshtë keni përqindjen e popullsisë që jeton në varfëri. 14,3% x 2,8 milion banorë, kemi rreth 400 000 banorë që jetojnë në varfëri në Republikën e Shqipërisë. https://data.worldbank.org/indicator/SI.POV.NAHC?end=2012&locations=AL-GR&start=2012&view=bar Ose këtu e keni më me hollësi: http://povertydata.worldbank.org/poverty/country/ALB Ja dhe Kosova: http://povertydata.worldbank.org/poverty/country/XKX Shoqëria që ishte porositur në përllogaritjen e taksës kishte këshilluar nga 1 deri 2,5 Euro, duke pasur parasysh fuqinë blerëse të shqiptarëve. Në këshillën e tyre duket se profesionistët e kësaj shoqërie i kanë dashur më shumë shqiptarët sesa qeveria dhe partitë e tyre. Një qeveri që gënjen për shuma të vogla e quan politikë gënjeshtrën për shuma të mëdha. E më pas gënjeshtra e madhe na shitet si e vërtetë nga "opinionistët e pavarur" privatë!
Përgjigjueri....mos komento gazetarin por bej analize per taksen qe do paguajne shqiptaret..gazetari ka analizuar drejt
PërgjigjuPo ju nga e gjeni te drejten ta gjykoni gazetarin se ka analizuar drejt dhe une s'e paskam kete te drejte?! Une e dhashe opinionin tim, eshte tarife e larte por e domosdoshme per mos t'u shkaterruar ajo veper publike dhe per te perfunduar pjeset/urat qe kane mbetur si varr i hapur. Dhe jam person qe e perdor rregullisht ate rruge, qellon qe dhe 2 here ne jave te shkoj ne Kosove. Mbase dhe une duhet t'i bashkohesha korrit te vajtuesve qe fillojne nga Saranda e qe s'u bie kurre te kalojne kesaj rruge deri atyre te qarkut Kukes dhe Kosoves qe preken realisht nga kjo tarife, por mundohem te llogjikoj. Llogjikoj dhe relativizoj hallin me faktin se sa here shkoj asaj ane e mbush makinen plot me nafte ne Kosove dhe taksen e qarkullimit qe s'e paguaj ne Shqiperi per perdorimin e kesaj rruge, ma kompenson tarifa e re. Do ishte perfekt t'i kisha ato leke ne xhep si kursim ne fund te dites, por kur shteti eshte dobet me buxhetin, gjykoj se duhet nje dore nga vete perdoruesit e rruges per t'i dhene zgjidhje problemit te mirembajtjes. Persa i perket transportit publik nuk besoj se do kete ndonje rritje te madhe bileta e furgonit/autobuzit, maksimumi 150 lek. Shqiptaret duhet te fillojne te mesohen me faktin qe ne ate Europe ku duan te integrohen s'ka gje falas dhe detyrimet financiare ndaj shtetit dhe BE-se do jene shumefish se kaq.
Tamam e ke thene. Kjo autostrade nuk i justifikon shpenzimet e medha. Tani eshte bere, efektet negative ne ekonomine shqiptare ndihen akoma. Gropa qe u hap duke marre borxh me 10% per te bere nje rruge qe perdoret vetem ne fundjave dhe behar eshte shume e madhe. Tani rruga duhet mbaruar, e nisen por nuk e bitisen, duhet rregulluar dhe bere rruge me standarte europiane. Plus kjo rruge ka shpenzime te medha per tu mirembajtur. Tarifa eshte per kete qellim. Mund te jete e shtrenjte dhe ndoshta kushtet nuk jane te favorshme per publikun, por nuk eshte fundi i botes. Rrruge te tilla duhen ndertuar nga privati dhe behen me pagese. Shpresoj qe vendimarresit te mesojne nga kjo. Kuptohet ata vetem fitimin e tyre shokojne dhe ne kete rast abuzimi eshte qindra milione euro dhe ne paguajme per kete. Tarifa e re na dhimbs sepse na preke direkt, prandaj flasim. Por kur u vodh ashiqare dhe rruga nuk e be si duhet, nuk u ndjeme sepse ishte para nga buxheti i shtetit. Ky popull jemi ne
PërgjigjuSHUME SHTREJT, SHQIPTARET E MARRIN RROGEN NE LEK, KURSE ME PAGUJT NE EURO ? PSE? PASTAJ SHTETI TA GARANTOJE NJË RRUGE PARALEL SEPSE KUSH NUK DON ME PAGUJT TE KALOJ NEPERMJET RRUGES SHTETRORE (RRUGE NURMALE PRA JO AUTOSTRADES)
Përgjigju650 lek eshte tarifa per makinat e vogla, nuk eshte ne Euro. Rruga e vjeter qe kalon nga Fushe-Arrezi eshte shtruar se fundmi, mund te perdoret, eshte me panoramike sikurse i pelqen Çoçolit. Nga Kukesi ne Rreshen behet per 3-4 ore rruges se vjeter, mund te perdoret nga ata qe s’duan te paguajne, le te thuhen gjithe opsionet.
Nje analize e çale nga z. Çoçoli. E nis per dystandartin e ndertimit te rruges nga kompania ndertuese pa e patur haberin fare se çfare punimesh ka bere kompania ne te dy anet e kufirit, cilin segment ka bere ne anen tone, çfare terreni eshte ne anen tone dhe çfare eshte ne anen e Kosoves, çfare ka kerkuar qeveria te behet nga kompania ndertuese ne Shqiperi dhe çfare ka kerkuar ajo kosovare, çfare mirembajtje ka pasur rruga jone (zero) dhe çfare ka ajo e pales kosovare etj. Nje rruge shqiptare qe po ben 10 vjet pa i vene doren kush dhe eshte ende ne kushte shume te mira, nuk mund te paragjykohet se eshte ndertuar keq. Tjetra, ka mbi 1 vit qe eshte dhene rruga me koncension dhe eshte perfolur per tarifat e kalimit se sa do jene, si mund te thuash qe pala tjeter nuk e dinte?! Gjithe zona e Kukesit, Bajram Currit e blejne karburantin ne Kosove meqenese eshte me lire, ndaj pjesa me e madhe nuk paguajne takse qarkullimi per çdo liter nafte qe harxhojne, keshtu qe buxheti i tyre do rendohet nga ai aktuali, por do barazohet me pjesen tjeter te shqiptareve qe s'u bie rasti te kalojne ndonjehere nga rruga e kombit. Te shkosh ne Athine duhet te pagush deri ne 90 Euro vajtje-ardhje vetem toll fee. Mbase vertete eshte e shtrenjte per takatin e shumekujt, por eshte e domosdoshme.
PërgjigjuPo te ish PD ne pushtet do ishte falas cdo gja! Une dhe PD kemi bere shqiperi moderne..