Leicester ka arritur të kartën fitore rradhazi, pasi ka mundur sot me rezultatin 2-0 Sunderland-in e vendit të 18-të, që rrezikon rënien nga Premier League.

Dy golat u shënuan nga sulmuesi anglez i Leicester, Jamie Vardy, i cili shkon në kuotën e 21 golave, një më pak se Harry Kane i Tottenham, që kryeson klasifikimin për golashënuesit.

Goli i parë për skuadrën që udhëhej kampionatin anglez u shënua në minutën e 66-të, pas një krosimi të gjatë nga Daniel Drinkwater, që e nxorri Vardy-n përballë me portierin. Sulmuesi anglez mposhti portierin italian të Sunderland, Vito Mannone me një goditje të pjerrët.

Ndërsa, goli i dytë u shënua në minutën e fundit pas një aksioni personal të Vardy. Ai morri topin në mesfushë dhe arriti të triblojë një prej mbrojtësve të Sunderland dhe të lëjë pas një tjetër, për të tribluar më tej edhe portierin Mannone.

Takimi u zhvillua në fushën e Sunderland.

Me këtë rezultat, Leicester forcon pozitat në krye të klasifikimit, me 72 pikë, duke lënë pas Tottenham-in e vendit të dytë. “Spurs”-at kanë 62 pikë dhe i pret sot një përballje e vështirë kudër Manchester United.

Kur mbeten edhe 5 javë nga fundi i kampionatit, favoritë për të “ngrituar lart” kupën e Premier League, shihen lojtarët teknikut italian Claudio Ranieri.

Redaksia Online
(m.b/shqiptarja.com)