POP 5

Lajmet më të lexuara të 5 minutave të fundit

Sociale

52 vite jetë kushtuar zanatit të samarxhiut, njihuni me mjeshtrin Kiço Bili nga Korça: Nuk i ndahem kësaj pune

Kiço Bili nga Korçë, 52 vite të jetës së tij ja ka kushtuar zanatit të samarxhiut, profesion që tashmë është drejt zhdukjes. 67 vjeçari shprehet se kërkesat  kanë rënë por ai asnjë ditë nuk i ndahet prodhimit të samarëve të kafshëve. Ai tregon se me këtë punë ka mbajtur familjen dhe ka shkolluar fëmijët. E vetmja brengë e Kiços është që këtë zanat nuk ka mundur të ja trashëgoje njeriu.

Ai sot është 67 vjec dhe ka plot 52 vite që ushtron zanatin e samarxhiut.

Kico ka lindur në Leskovik në vitin 1952 dhe pas mbarimit të klasës së 8-te u përzgjodh për të ndjekur një kurs disa mujor në qytetin e Shkodrës.

Këtu zë fill dhe njohja e tij me këtë zanat,e cila u pasua nga një lidhje e fortë dhe e pandashme e Kiços me profesionin e samarxhiut .

Gjithë punën e tij gjatë ndërtimit të samarit të kafshëve, ai e realizon me dorë. Gjithmonë ka punuar me merak,vëmendje absolute ,pasion dhe dashuri në këtë zanat.

Vitet kanë kaluar, kohët kanë ndryshuar e kërkesat në treg për samar kanë rënë. Por kjo nuk e ka larguar Kiçon për asnjë moment nga pasioni i tij. Çdo ditë qoftë edhe për disa minuta ai shkon në punishten e tij.

"Me kalimin e kohës kërkesat janë pothuajse hiç. Tani ç’bëjmë ndonjë riparim, ndonjë mbushje ose ndonjë dërrasë të thyer. Më përpara kërkesat ishin të panumërta. Zanatin e kam punuar me merak dhe nuk më rrihet pa ardhur në dyqan.  Edhe dje erdha. Punë nuk kisha sepse është rralluar puna shumë.  Rri këtu një çerek ore, një orë. E kam merak,  e kam në gjak zanatin." ka thënë Kiço Bili.

Zanatliu tregon se në këto 52 vite punë ai i’a ka parë hairin punës së tij. Ka shkolluar 2 fëmijë dhe ka mbajtur familjen, sepse siç e thotë dhe vetë zanati nuk të lë pa bukë.

"Shyqyr bereqarves shyqyr, shyqyr nuk më ka lënë nga bukë. Edhe prapë sot me aq sa mundem dhe me aq punë sa vjen nuk të len bosh zanati. Zanatin mësoje hidhe në strehë dhe kur të të marre uria kape e nxirre nga aty ku e ke lënë. Më vjen keq që nuk po e mësojnë të rinjt." ka thënë më pas ai. Në sytë e tij veç pasionit e dashurisë për ketë zanat, qartazi dallohet trishtimi se nuk ka mundur t’ia trashëgojë dikujt.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Spahiu: Ja 3 shkaqet pse pjesëmarrja e emigrantëve do jetë deri në 70 mijë votues! Nuk janë pak, përkthehen në 7 mandate deputeti

Spahiu: Ja 3 shkaqet pse pjesëmarrja e emigrantëve do jetë deri në 70 mijë votues! Nuk janë pak, përkthehen në 7 mandate deputeti

24 Nëntor, 16:19