POP 5

Lajmet më të lexuara të 5 minutave të fundit

Kronikë

6 gjyqtarë e prokurorë nën hetim për skandale në drejtësi, liruan të dënuarit me burgim të përjetshëm dhe mbyllen dosje

Inspektorati i Lartë i Drejtësisë bën bilancin e punës gjashtëmujore, 1 339 ankesa kundër gjyqtarëve dhe prokurorëve KÇK, 6 vendime për nisjen e hetime disiplinore, në fokus gjyqtarët që liruan të dënuarit me burgim të përjetshëm

TIRANË- Inspektorati i Lartë i Drejtësisë bën bilancin e punës gjashtëmujore, 1 339 ankesa kundër gjyqtarëve dhe prokurorëve KÇK, 6 vendime për nisjen e hetime disiplinore, në fokus gjyqtarët që liruan të dënuarit me burgim të përjetshëm

Inspektorati i Lartë i Drejtësisë, në hakun kohor të 6 muajve, ka administruar 1 339 ankesa kundër gjyqtarëve dhe prokurorëve, për praktika abuzive në drejtësi. 727 ankesa janë të mbartura nga Këshilli i Lartë Gjyqësor, 442 ankesa janë referuar nga qytetarët, ndërsa 140 ankesa janë depozituar nga KLP, Prokuroria e Përgjithshme, Ministria e Drejtësisë, Presidenti, SPAK, Drejtoria e Përgjithshme e Burgjeve etj. Inspektorati i Lartë i Drejtësisë me në krye Artur Metani ka vendosur të fillojë hetimin disiplinor ndaj 6 gjyqtarëve dhe prokurorëve, të dyshuar për shkele gjatë ushtrimit të detyrës.

Bilanci i të dhënave reflektohet në raportin e Inspektoratit të Lartë i Drejtësisë për veprimtarinë e këtij institucioni për periudhën shkurt-mars 2020. Mes subjekteve nën hetim janë edhe gjyqtarët Markelian Kuqo dhe Enkeleda Hoxha. Gjyqtari i Korçës, Markelian Kuqo, liroi nga burgu në 14 shkurt 2019, Gert Gjinararin, miku i Arben Grorit, i njohur ndryshe si "Gjenerali". Gert Gjinarari ishte dënuar me burgim të përjetshëm si bashkëpunëtor me Arben Grorin në vrasjen e bujshme të Naim Zyberit në Itali.

Gjyqtarja e Krujës, Enkeleda Hoxha, e denoncuar nga Ministrja e Drejtësisë, Etilda Gjonaj, për lirimin e nga burgu të të dënuarit me burgim të përjetshëm Endrit Dokle, ish-numri dy i bandës së Durrësit. Hoxha i ka falur 5 vite burg edhe Hekuran Billës në 22 shkurt të vitit të kaluar. Billa u ekzekutua tek Komuna e Parisit disa javë parë. Gjyqtarja Hoxha liroi nga burgu edhe Genc Tafilin, i dënuar për vrasjen e komisarit të Policisë Arben Zylyftari. Ajo liroi nga qelia edhe Ilir Pajën, si autor i një sërë krimesh të rënda në Itali.

Fati i gjyqtarëve dhe prokurorëve, për të cilët ka nisur procedimi disiplinor, do të vendoset përkatësisht nga Këshilli i Lartë Gjyqësor dhe Këshilli i Lartë i Prokurorisë. Por, edhe nëse magjistratët e proceduar do t’i shpëtojnë shkarkimit, ata do t’i nënshtrohen verifikimit të trefishtë të Vetingut. 

( Kliko këtu për të lexuar raportin e Inspektoratit të Lartë të Drejtësisë për veprimtarinë për periudhën shkurt-korrik 2020)

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Petraq Curri: 03/08/2020 21:02

    Po Petraq Curri tmerrshem?!?!? Nuk kane te mbaruar krimet e tij dhe shpenzimet marramendese qe ben ( si psh shkolla goces ne Angli) dhe eshte akoma duke dhene vendime!

    Përgjigju
  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Roli sekret i SHBA në luftën e Ukrainës kundër Rusisë

Roli sekret i SHBA në luftën e Ukrainës kundër Rusisë

31 Mars, 16:00