POP 5

Lajmet më të lexuara të 5 minutave të fundit

Kultura

6 kandidatë për kreun e TKOB
ministria nis nesër intervistat

Ministria e Kulturës bën me dije së 6 kandidatë kanë aplikuar për postin vakant të  drejtorit të TKOB-it.
Ministria e Kulturës bën me dije së 6 kandidatë kanë aplikuar për postin vakant të  drejtorit të TKOB-it.

Kështu, sipas një njoftimi për shtyp të Ministrisë, pretendentë për këtë vend të rëndësishëm për kulturën shqiptare janë: 

1. Josif Gjipali

2. Agim Hushi

3. Kleanthi Gjika

4. Zana Çela

5. Ylber Gjini

6. Gëzim Xhaxhaj

Ministria e Kulturës njofton se, pas njohjes së dokumentacionit të dërguar respektivisht nga kandidatët në fjalë, të mërkurën në mesditë do të nisë intervistat me ta.
Secili prej kandidatëve ka dorëzuar në ministrinë e Kulturës një platformë  bazuar në kërkesat e shpallura më herët nga ministria e kulturës, ku përfshihen përveç CV-e artistike të gjithëseicilit, edhe aftësitë drejtuese e menaxheriale.

Ndër kandidatët që janë përfshirë në këtë garë, vetëm  Zana Çela  ka qenë më parë në një post drejtues dhe pikërisht në Teatrin e Operës dhe Baletit. Teatri i Operas dhe Baletit mbeti pa drejtor pas dorëheqjes së Ilir Kernit në fund të korrikut.  Më herët ai kishte shprehur pakënaqësi për buxhetin e akorduar institucionit që ai drejtonte.

DEKLARATA E MINISTRISE SE KULTURES

"Në zbatim të Vendimit të Këshillit të Ministrave nr. 173, datë 07.03.2003 “Për emërimin, lirimin ose shkarkimin nga detyra të drejtuesve të institucioneve, në varësi të Këshillit të Ministrave, Kryeministrit ose Ministrit”, në datën  04.08.2016, Ministria e Kulturës shpalli konkursin për pozicionin:
Drejtor i Përgjithshëm, në Teatrin Kombëtar të Operas Baletit dhe Ansamblit Popullor
duke cilësuar se kandidatët duhet të plotësojnë kërkesat e përgjithshme për pranimin në Pozicionin “Drejtor i Përgjithshëm në Teatrin Kombëtar të Operas Baletit dhe Ansamblit Popullor”, në përputhje me nenin 21 të ligjit  152/2013 “Për Nëpunësin Civil”.
 
Konkursi u mbyll në datën 22.08.2016. Kanë aplikuar për këtë pozicion kandidatët:
1.       Josif Gjipali
2.       Agim Hushi
3.       Kleanthi Gjika
4.       Zana Çela
5.       Ylber Gjini
6.       Gëzim  Xhaxhaj
 
Komisioni i përbërë nga  drejtues  të nivelit të lartë dhe të mesëm si dhe ekspertë të jashtëm, pasi është njohur me dokumentacionin e paraqitur  do të zhvillojë  intervista me kandidatët ditën e mërkurë, datë 24 gusht 2016, ora 12:00 në ambientet e Ministrisë së Kulturës."


Redaksia Online
Al.Ç/Shqiptarja.com
 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Zbulohet në Prishtinë laboratori i sofistikuar për falsifikimin e dokumenteve (FOTOT)

Zbulohet në Prishtinë laboratori i sofistikuar për falsifikimin e dokumenteve (FOTOT)

28 Janar, 21:28