POP 5

Lajmet më të lexuara të 5 minutave të fundit

Politikë

6 marsi/ Basha takime, Berisha kërkon ‘ndihmë’ nga anëtarësia, të premten PS mbledh kryesinë, priten kandidatët

Të premten, kryesocialisti Edi Rama pritet të publikojë emrat e kandidatëve për zgjedhjet në 6 bashki. Por edhe pse takimet kanë nisur në kampin djathtë situata duket më e vështirë, me Lulzim Bashën që nuk ka nxjerrë asnjë emër dhe me Berishën që po përpiqet të nxjerrë nga baza emrat e kandidatëve të tij por me siglën e PD-së.

Partia Demokratike tashmë e ka zyrtarizuar pjesëmarrjen e saj në zgjedhjet lokale të 6 marsit, duke paraqitur kërkesën për Regjistrim në KQZ. Pas regjistrimit në Komisionin Qendror të Zgjedhjeve vëmendja e selisë blu është përqendruar në përzgjedhjen e kandidatëve.

Ende nuk ka asnjë emër zyrtar, por kryedemokrati Lulzim Basha po zhvillon takime me drejtuesit e strukturave e 6 bashkive ku do zhvillohen zgjedhjet, deputetët dhe drejtuesit politikë, duke diskutuar alternativat e mundshme për kandidatët.

Deri më tani, 4 bashki , Rrogozhina, Lushnja, Durrësi e Shkodra kanë disa emra të lakuar, ndërsa për Vorën e Dibrën demokratët kërkojnë më shumë kohë.

E paqartë është nëse vendimmarrja finale do t’i përkasë Bashës, apo nëse këto kandidatura do të kalojnë në miratimin e anëtarësisë, siç do të bëjë komisioni i rithemelimit.

Mbështetësit e Berishës do të votojnë të dielën kandidatët potencialë dhe më i votuari prej tyre do të zgjidhet kandidati zyrtar i Komisionit Të rithemelimit.

Këta të fundit shpresojnë që PD zyrtare të pranojë verdiktin e anëtarësisë për emrin që do të përballet me socialistët.

Në rast se përpjekjet e anëtarësisë dështojnë për një kandidat të përbashkët, grupi i Berishës duhet të mendojë një tjetër mënyrë për t'u regjistruar në zgjedhje. Komisioni i rithemelimit po diskuton dy mënyra.

Regjistrimi si të pavarur, është një nga format që kandidatët e Berishës mund të garojnë. Por në këtë rast, ata duhet të paraqesin në KQZ firmat e 1% të listës së zgjedhësve që mbështesin kandidimin e tyre.

Strategjia më e mundshme e grupit Berishian është ajo e daljes në koalicion me aleatët, veçanërisht me LSI, e cila deri më tani nuk është shprehur për bashkëpunimin e mundshëm për 6 bashkitë.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A bënë zgjedhjen e duhur demokratët duke rikthyer në krye Sali Berishën?

Lajme të tjera



×

Lajmi i fundit

John

OKB: Më shumë se 6.5 milionë njerëz janë larguar nga Ukraina që nga pushtimi rus

23 Maj, 13:19