DURRËS- E paprecedentë dhe komprometuese për autoritetet ligjzbatuese. Në vend të që të ishte sekuestruar dhe ‘ngrirë’ asetet, kompania e importit të frutave “ALBA EXOTIC FRUIT” e Eduart Dautit vijon të sjellë sistematikisht kokainë nga Ekuatori në Portin e Durrësit, duke u shndërruar kështu në një kompani droge. Ka mbetur vetëm që kompania “ALBA EXOTIC FRUIT” të shtojë si objekt në veprimtarinë e saj edhe shërbimin e trafikut të drogës! Sot u shënua rasti i gjashtë që në kontenierët e kompanisë “ALBA EXOTIC FRUIT”, e ngarkuar me banane nga Ekuadori, gjendet kokainë. Në një hark kohor prej disa muajsh, mes bananeve të porositura nga kompania, kanë mbërritur në Portin e Durrësit, gjashtë ngarkesa me drogë, të llojit kokainë, duke e kthyer këtë aktivitet kriminal në një veprimtari pothuajse normale.
Duke e çuditshme dhe misterioze, se si ka mundësi që autoritetet ligjzbatuese, në rastin konkret SPAK, lejon që kompania “ALBA EXOTIC FRUIT”, të vijojë aktivitetin e importit të bananeve, duke kamufluar trafikun e kokainës. Policia kap ngarkesën e radhës së drogës, e referon në prokurori si zakonisht, ndërsa kompania vijon aktivitetin tregtar, miksuar me veprimtarinë kriminale. Javët e fundit, SPAK ka sekuestruar dyqane dhe apartamente të ish gjyqtarëve të nivelit të lartë, duke zbatuar ligjin anti-mafia, për shkak të mosjustifikimit të pasurive, ndërsa kompania “ALBA EXOTIC FRUIT” është dokumentuar për aktivitetin e trafikut të kokainës që në vitin 2019, e megjithatë vijon aktivitetin, duke i shpëtuar bllokimit.
Eduart Dauti është administratori dhe aksioner me 90 % i kompanisë “ALBA EXOTIC FRUIT”, me nipt: L12413011Q. Ndërkaq, 10 % të aksioneve i ka Barjon Gumeni, i cili është shfaqur në këtë kompani në vitin 2013. Barjon Gumeni u arrestua në 13 korrik të këtij viti, pas kapjes së ngarkesës së radhës prej 11 kg e 650 gramë kokainë në kontejnerin e kompanisë. Barjon Gumeni ka ndryshuar emrin dhe është vëllai i Eduart Dautit, i ekspozuar më parë edhe në media. Teksa policia prangosi Gumenin, Eduart Dauti është arratisur dhe vijon të jetë në kërkim.
Pas arrestimit të vëllait dhe shpalljes në kërkim, për të vijuar administrimin e kompanisë, Eduart Dauti shton si administrator Ermal Arapin, i cili është arrestuar sot nga policia. Dauti ka autorizuar Oksana Kajon, për të kryer veprime në emër të tij, për të mundësuar shtimin e administratorit. Autorizimi mban datën 21 korrik 2021, një javë pasi gjykata la në burg Barjon Gumenin, i cili është shprehur se nuk ka lidhje fare me drogën e kapur. Një ditë më pas, në 22 korrik 2021, emërohet administrator Ermal Arapi. Ky i fundit, në 28 korrik 2021, autorizon sërish Oksana Kajon, për të kryer veprime në raport me kompaninë në emrin e tij.
Arapi e ndërmerr këtë veprim pasi në datën 23 korrik 2012, në kontenierët e kompanisë u gjetën 6.5 kilogramë kokainë. Ermal Arapi u arrestuar sot, ndërsa tashmë është Oksana Kajo ajo e cila është e autorizuar për të vepruar në emër të administratorit. E gjithë kjo veprimtari për të mundësuar vijimin e aktivitetit kriminal të kompanisë është zhvilluar ‘nën hundën’ e organeve ligjzbatuese.
Lajme të tjera
-
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
E përditshmja britanike 'Sunday Times': 10 vendet më të mira për t’u vizituar në Shqipëri
23 Dhjetor, 09:52 -
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Krujë/ U denoncua i zhdukur nga familjarët, gjendet pas 23 ditësh pa jetë 57-vjeçari Edmond Veseli
22 Dhjetor, 16:08
-
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
