Shenjat që tregojnë se personi përballë jush po gënjen

Shenjat që tregojnë se personi përballë jush po gënjen

Në jetën private por edhe në atë profesionale është e rëndësishme të kuptojmë nëse personi që kemi përballë po gënjen apo tregohet i sinqertë.

Për të kuptuar kur nëse dikush gënjen, janë disa shenja treguese, të cilat do të na ndihmojnë të kuptojmë dinamikën e ndërveprimeve njerëzore dhe të kuptojmë se ai nuk është plotësisht i sinqertë.

Mungesa e detajeve
Kur dikush gënjen, ai do të përpiqet të japë informacion të paqartë për të fshehur të vërtetën. Atëherë mund të vëreni dallime në historitë e një personi, me detaje që nuk përputhen ose duken të pamundura.

Gjithashtu, kushtojini vëmendje ndryshimeve në mënyrën se si tregohen ngjarjet, ata mund të përpiqen të fshehin të vërtetën ose të ngatërrojnë situatën.

Shenjat e stresit
Gënjeshtra mund të jetë stresuese, edhe për njerëzit me përvojë. Nëse dikush gënjen, trupi i tij do të tregojë shenja nervozizmi ose shqetësimi. Djersitja e tepërt, rrahjet e shpejta të zemrës ose dridhja e duarve mund të tregojnë se personi ndihet nën presion nga gënjeshtra që po thotë dhe se mund të mos jetë plotësisht rehat me situatën.

Gjuha e trupit
Shprehjet e fytyrës dhe gjestet e trupit mund të zbulojnë shumë për atë që një person mendon ose ndjen në të vërtetë. Kur dikush gënjen, ata mund të ekzagjerojnë në një përpjekje për të bindur të tjerët për tregimin e tyre të rremë. Vini re nëse shprehjet e fytyrës dhe gjestet e tyre duken shumë teatrale ose të papërshtatshme për situatën.

Ndryshimi në sjellje
Kur personi me të cilin po flisni nuk është i sinqertë, sjellja e tij mund të ndryshojë ndjeshëm nga qëndrimi i tyre i zakonshëm. Ata mund të bëhen papritmas mbrojtës për veten e tyre, nervozë ose të shmangin shikimin tuaj të drejtpërdrejtë.

Historia është shumë e ‘bukur’ për të qenë e vërtetë
Nëse dikush ose diçka duket si shumë e ‘bukur’ për të qenë e vërtetë, zakonisht është. Shpesh, gënjeshtrat përfshijnë elementë që duken shumë të përsosur për të qenë të vërteta.

Shmangia
Shmangia është një sjellje e zakonshme mes atyre që përpiqen të fshehin të vërtetën ose ti shmangin faktit se po gënjejnë. Kur një person përballet me pyetje të drejtpërdrejta në vend që të përgjigjet qartë, ai mund të flasë në mënyrë të paqartë duke mos iu përgjigjur në të vërtetë pyetjes që i bëhet.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ari: 24/04/2024 13:55

    E bukur

    Përgjigju
  • KASAP REXHEP BULE LEKA [ KEPI ]: 20/04/2024 22:21

    Shkrim i lezetshëm por për gënjeshtar PREFESJONIST vëndin e par në gjith historin e Shqipris vëndin e par e mban Sali Sheqere Bajga.

    Përgjigju
  • Meri: 20/04/2024 14:13

    Me shume interes shkrimi. Sapo e perfundova dhe konkluzioni natyrshem doli Edi Rama. Me te gjitha cilesite e melartme.

    Përgjigju
    • Anila: 21/04/2024 23:40

      Shume e sakte

  • Sondazhi i ditës:

    A ka qenë Vettingu i gjyqtarëve e prokurorëve proces i besueshëm?



×

Lajmi i fundit

Nesër në asamblenë e OKB votohet rezoluta për Srebrenicën! Vuçiç: Duan të na dëmtojnë! Dodik: S’ishte gjenocid

Nesër në asamblenë e OKB votohet rezoluta për Srebrenicën! Vuçiç: Duan të na dëmtojnë! Dodik: S’ishte gjenocid