61 gjoba për shoferët në Durrës, nuk respektuan masat anti-COVID (VIDEO)

61 gjoba janë vendosur  për drejtuesit e mjeteve në Durrës, të cilët nuk kanë respektuar protokollet e sigurisë lidhur me masat anti-COVID. Policia e Durrësit i ka fokusuar kryesisht kontrollet në drejtuesit e mjeteve që nuk respektojnë distancë fizike dhe numrin e personave që mbajnë brenda në makinë, sidomos në automjetet që transportojnë punëtorët e fasonerive, por edhe në automjetet private apo të institucioneve në tërësi.

Pjesë e kontrollit kanë qenë edhe subjekte të ndryshme në lidhje me masat që duhet të respektohen, me qëllim parandalimin e përhapjes së virusit. Gjithashtu policia ka këshilluar qytetarët që presin ën radhë por dhe biznese të ndryshme për të respektuar masat.

Report Tv bëri vëzhgimin pak ditë më parë ku u tregua se qytetarët vijojnë që të jenë pa maska dhe nuk respektojnë distancën.

Rastet me koronavirus në vendin tonë janë shtuar ndjeshëm dhe e gjitha për shkak të neglizhencës së qytetarëve, vetë institucioneve shëndetësore dhe bizneseve në respektimin e distancës fizike dhe mbajtjes së maskë në vendet ku grumbullimet nuk mund të shmangen dot.

Ditën e sotme janë shënuar 33 raste të reja me COVID-19, ndërsa u shënua dhe një viktimë, një 62 vjeç nga Tirana.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Stuhi' e re për Sandro Tonalin, Federata Angleze e akuzon për 50 baste edhe në Angli! Newcastle: Na kanë sinjalizuar

'Stuhi' e re për Sandro Tonalin, Federata Angleze e akuzon për 50 baste edhe në Angli! Newcastle: Na kanë sinjalizuar