POP 5

Lajmet më të lexuara të 5 minutave të fundit

Kronikë

Vëzhgimi i Report Tv/ Supermarketet kthehen në rrezik, asnjë masë anti-COVID

Telekamerat e Report TV bënë një vëzhgim në terren, duke konstatuar se në disa dyqane kryesore supermarketesh Conad, përdorimi i maskës nuk iu kërkohet më blerësve siç ndodhte pak javë më parë.

Vëzhgimi i Report Tv/ Supermarketet kthehen në rrezik, asnjë masë anti-COVID

Qytetarët pa maskë dhe doreza në supermarkete

Një valë e re e epidemisë së Covid po përfshin Shqipërinë pikërisht në prag të sezonit turistik. Kryeministri Edi Rama paralajmëroi sanksione të rënda të parashikuara nga ligji ndaj qytetarëve dhe njësive tregtare që nuk respektojnë masat e parandalimit, që do të thotë ndalim grumbullimi, distancim fizik dhe përdorim të maskës.

Ky detyrim në Shqipëri është i vlefshëm vetëm për mjediset e mbyllura, ndërsa në pjesën tjetër të Europës aplikohet edhe në vende të hapura, çdo herë që prania e shumë njerëzve e bën të pamundur mbajtjen e distancës të paktën një metër e gjysëm mes personave.

Por mungesa e kontrolleve dhe ndjenja e përgjegjësisë nga ana e pronarëve, sot ka bërë që të zhduken plotësisht nga përdorimi maskat edhe brenda në lokale publike deri edhe në supermarkete.

Telekamerat e Report TV bënë një vëzhgim në terren, duke konstatuar se në disa dyqane kryesore supermarketesh, përdorimi i maskës nuk iu kërkohet më blerësve siç ndodhte pak javë më parë. Brenda supermerkateve Conad pamjet e marra nga një telekamerë e fshehtë tregojnë se maska nuk përdoret nga askush, përveç disave nga personeli i shitjes.

Në supermarketet Conad në Itali iu ndalohet hyrja kujtdo që paraqitet pa maskë. Por standardi shqiptar,  fatkeqësisht është i ndryshëm: Në Conad-in shqiptar çmimet janë shumë të larta se në Itali, por masat anti-Covid për klientët tashmë janë zero.

Në pamjet e realizuara me një telekamer të fshehtë, klientët lihen të futen pa asnjë kontroll dhe iu lejohet të shëtisin mes dollapeve plot me ushqime pa vendosur asnjë maskë. Kryeministri Edi Rama kërcënoi deri në arrestim, siç parashikon reforma e fundit e Kodit Penal, pronarët e aktiviteteve tregtare që thyejnë rregullat anti-Covid si rastet e konstatuara në CONAD.

“Bizneset që nuk respektojnë protokollet e sigurisë, nuk do të tolerohen më dhe u kujtoj të gjithë atyre që kanë një biznes, më vjen keq por duhet t’jua kujtoj, se përveç gjobave, rrezikojnë edhe heqjen e lirisë në rast se kapen në shkelje të protokolleve duke rrezikuar drejtpërdrejtë shëndetin e njerëzve të cilëve u shërbejnë”, do të shprehej kryeministri Rama.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genti: 17/06/2020 15:34

    Kontrolloni qendrat tregtare, aty dergojini kamerat jo Tek hallexhijt, dhe fakirfukarejt.

    Përgjigju
  • Lali: 17/06/2020 13:58

    Sikur vec maskave te shikoni dhe cmimet o zoterinj gazetare. Nje pako makarona te Conad ne Shqiperi kushton deri trefish krahasuar e njejta marke ne Itali. Do ju nis foton. A kontrollin njeri abuzime aty apo bjeri ahqiptareve se durojne kafahet.

    Përgjigju
  • lume: 17/06/2020 13:07

    Dihet kjo pune cmimet ne stratesfere dhe asnje mase. Atyre i interesojne vetempare se mos i intereson shendeti njerzve

    Përgjigju
  • velo: 17/06/2020 12:55

    shikoni pak piken e fruta perimeve qe shet tek lulishtja e komunes se parisit dhe big marketi po aty, eshte nje skandal i vertete, nuk ka asnje kontroll. cmimet e fruta perimeve jane ne stratosfere

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

‘E shihni aeroplanin...? O Zot!’ Tragjedia ajrore në Uashington, zbardhen komunikimet mes pilotëve dhe kontrollorëve të kullës (VIDEO)

‘E shihni aeroplanin...? O Zot!’ Tragjedia ajrore në Uashington, zbardhen komunikimet mes pilotëve dhe kontrollorëve të kullës (VIDEO)

30 Janar, 08:43