67 pro dhe 30 kundër, Kuvendi i Kosovës voton qeverinë e re! Kurti: Do jem kryeministër me parime

Me 67 pro dhe 30 kundër dhe me asnjë abstenim Kuvendi i Kosovës miratoi qeverinë e re të Kosovës. Albin Kurti është zyrtarisht kryeministri i ri i Kosovës.

“U jam mirënjohës për maturinë dhe përgjegjësinë qytetarë që dëshmuan gjatë procesit të votimit. Nga sot jam kryeministër. S’ka dyshim që këto zgjedhje janë historike. Ndihem i përulur para detyrave që kemi. Vota nuk është thjeshtë një numër. Të zhvillojmë ekonominë, të sjellin drejtësi dhe barazi në shoqëri. Pritjet janë të mëdha dhe përgjegjësia është e madhe. Është e rëndësishme të ndjejmë peshën e besimit.

Për deputetët e pozitës këtë rol e përgjegjësi mos e merrni si të mirëqënë dhe mos u sillni me arrogancë ndaj opozitës. Ashtu siç ua kanë dhënë votën qytetarët ashtu edhe ua marrin.

LEXO EDHE:
Presidentja Osmani: Kosova nuk po kundërshton zbatimin e detyrimeve të veta

Unë do të jem kryeministër që do të udhëheq me parime. Qeveria dhe institucionet janë të qytetarëve. Këtë duhet ta ketë parasysh secili zyrtar. Në institucione jeni zgjedhur or të shërbyer dhe jo për tu rehatuar. Qytetarët me të drejtë presin që të përfaqësohen nga njerëz të denjë. Na duhet bashkëpunim me të gjithë. Për reforma do të na duhet një mentalitet i ri i punës", tha ai.

Lajmi kryesor:

Votohet qeveria e re e Kosovës, zbardhen emrat e ministrave! Kurti: Do vaksinojmë kundër COVID 60% të popullsisë brenda 1 viti! Do jem kryeministër me parime

TAG:
• lulzim basha
• kosove
• Albin Kurti
• Lëvizja Vetëvendosje
• Glauk Konjufca
• Avdullah Hoti