POP 5

Lajmet më të lexuara të 5 minutave të fundit

Kultura

7 dekada ‘jetë’ të Teatrit 'Andon Zako Çajupi' në një ekspozitë (VIDEO)

7 dekadat e Teatrit “Andon Zako Çajupi” në Korçë janë përkujtuar përmes një ekspozite. Artistët Timo Flloko dhe Ndriçim Xhepa rrëfejnë kontributin e artistëve të Korçës, jo vetëm në këtë qytet, por edhe në rrafsh kombëtar

Fotografitë, veshjet, sendet personale të artistëve të njohur korçar, të cilët i kanë përdorur për 7 dekada në skenë janë ekspozuar për artdashësit. Në këtë datëlindje të 70-të të Teatrit “Andon Zako Çajupi”, gjurmët që artistët kanë lënë me artin e tyre, përkujtohet jo vetëm nga publiku, por edhe nga artistët e njohur Ndriçim Xhepa dhe Timo Flloko

“Është një ekspozitë muzeale interesante. Teatri i Korçës është një teatër me traditë të hershme që kanë vënë vulën e personalitetit të tyre në Teatrin Kombëtar. Ka elemente edhe simbole të veçanta. Duke ecë nëpër to sheh artistët, brezat e hershëm, që kanë dhënë shumë vlera, si Piro Mani, Dhimitër Orgocka, Llazi Sërbo etj. Përmes kujtesës së tyre m’u duk sikur fola ma ta”, shprehet artisti Timo Flloko.

“Emocionet janë të mëdha, është një gjë e veçantë veçmas për ata që kanë dhënë shumë në këtë skenë. Gëzohem që shikoj këtë ekspozitë të kuruar me kaq shumë kujdes”, thotë aktori Ndriçim Xhepa.

Edhe përse drejtoresha e Teatrit Zamira Kita është e izoluar për shkak të COVID 19 në shtëpi, aktorja Blerta Balliu rrëfen punën e bërë, në këto momente

“Jemi kujdes që të kemi objekte të artisteve që kanë kontribuuar për një jetë në skenën e këtij teatri”, thotë Balliu.

Përpos ekspozitës, këto ditë nuk ka munguar për publikun korçar, as Festivali i Komedisë “Kokofest”.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56