70 vite nga krijimi i aviacionit luftarak në Shqipëri, rrëfimi i komandantit të bazës së Kuçovës: Një jetë në qiell me flotën e avionëve që nuk janë më

Për pak ditë bëhen plot 70 vite që nga krijimi i aviacionit luftarak në Shqipëri. Vitet e parë kanë qenë të lavdishme, ndërsa flota e avionëve zgjerohej me kohën. Ish-komandanti i Akademisë së Forcave Ajrore dhe bazës së Kuçovës, Flamur Hoxha, sot në pension, e kujton me nostalgji punën prej 30 vitesh në qiell.

'Krijimi zyrtar, festa zyrtare e krijimit të aviacionit luftarak është në 24 prill të vitit 1951, kur u bënë fluturimet e para me avionët e parë. Krijimi i mirëfilltë i aviacionit luftarak është me avionët MIG 15 që është baza ajrore e Kuçovës e krijuar në 15 maj 1955. Rreth 200-220 avionë luftarak dhe helikopterë bashkë. Kjo ka qenë gjithë flota luftarake shqiptare në këto vite. Kishe goxha potencial në krahasim me vendet e tjera të rajonit.'- tha Hoxha.

Me një karrierë 30 vjeçare si pilot dhe komandant, Hoxha e cilëson adrenalinë të madhe pjesëmarrjen, qoftë edhe si sport.

'Nuk është thjeshtë një marrje pjesë tek Forcat e Armatosura. Fluturimi në vetëvete është edhe sport, kërkon një adrenalinë shumë të lartë dhe njëkohësisht kërkon në përgatitje fizike dhe shëndetësore, nivel shumë të lartë.'- tha më tej Hoxha.

Pas viteve të lavdisë, pak nga pak aviacioni luftarak shkoi drejt mbylljes. Fillimi i viteve ’80, periudhë kur Shqipëria komuniste mbeti pa mbështetjen e Bashkimit Sovjetik dhe më pas Kinës, i dhanë goditje. Vendi nuk kishte më fuqi ekonomike për t’i mbajtur, derisa në 2005-ën, përfundimisht flota e avionëve u mbyll.

'Kishte mungesa në karburante, në pjesë këmbimi. Ka pasur mungesa në disa pjesë, të cilat ishin të pamundur për t’i siguruar në shtetet e tjera edhe për shkak të kostos.'- tha ai.

Sot, pas shumë bazave të avionëve që u mbyllën njëri pas tjetrit, vëmendje merr ajo e Farkës, e vetmja me helikopterë, por pa avionë.

'Pas kësaj iu kushtua një rëndësi e madhe, që vazhdon edhe sot, krijimi dhe modernizimi i helikopterëve të bazës ajrore të Farkës, i cili është i vetmi repart, i vetmi regjiment që është në funksion.'- përfundoi ai.

Këtë 70-vjetor të aviacionit luftarak, të vetmit që vijojnë ta kujtojnë janë nostalgjikët si Flamuri.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?



×

Lajmi i fundit

Frikë nga sulmet terroriste, Lojërat Olimpike nën masa të rrepta sigurie

Frikë nga sulmet terroriste, Lojërat Olimpike nën masa të rrepta sigurie