POP 5

Lajmet më të lexuara të 5 minutave të fundit

Kronikë

70-vjetori i Konferencës së Pezës
mungojnë figurat politike kryesore

Të majtë, në opozitë apo në koalicion si dhe figura të mazhorancës janë bashkuar në festimet për përkujtimin e 70 vjetorit të Konferencës së Pezës. Veç kësaj festimet në Pezë këtë vit duken më të vakëta. Kanë munguar jo vetëm figurat kryesore politike por dhe festimet janë mjaftuar vetëm para lapidarit ku socialistët kanë organizuar një tryezë me veteranët.
70-vjetori i Konferencës së Pezës <br />mungojnë figurat politike kryesore
TIRANE - Festa e Pezës bashkon politikanët. Të majtë, në opozitë apo në koalicion si dhe figura të mazhorancës janë bashkuar në festimet për përkujtimin e 70 vjetorit të Konferencës së Pezës. Në fshatin e Babë Myslimit kanë nderuar së bashku figura të kabinetit qeveritar, si Ministri i Mbrojtjes Arben Imami, figura të spikatura të Partisë Socialiste, si kreu i grupit parlamentar të PS Gramoz Ruçi, deputetët Tahiri, Dade, Dokle dhe ish presidenti Mejdani, por dhe protagonist të LSI, si sekretari i përgjithshëm i kësaj force politike, Luan Rama.

Politikanët kanë vendosur kurora dhe buqeta me lule në monumentin e Luftës Antifashiste Nacional-Çlirimtare në Pezë. Veç kësaj festimet në Pezë këtë vit duken më të vakëta. Kanë munguar jo vetëm figurat kryesore politike por dhe festimet janë mjaftuar vetëm para lapidarit ku socialistët kanë organizuar një tryezë me veteranët.

Protagonistët në takim u kanë përsëritur veteranëve të pranishëm premtimet se socialistët kur të vijnë në pushtet do të kenë një tjetër vlerësim për këtë shtresë duke ndryshuar ligjet që ka bërë mazhoranca aktuale, çlirimin nga disa taksa, por edhe ruajtjen e mirëmbajtjen e simboleve, monumenteve dhe respektin për ngjarjet, vendet dhe figurat historike

70 vjetori i konferences se pezes

Në këtë takim në Pezë nuk mori pjesë kreu i Partisë Socialiste, Edi Rama i cili nuk mungon në asnjë vit në përkujtimin e Konferencës së Pezës. Kryesocialisti nuk linte 16 shtator për të shprehur nderimet e tij për të gjithë ata që luftuan në mbrojtje të idealeve të mëdha.

Koalicioni qeverisës është mjaftuar në këtë 70 -vjetor të Konferencës së Pezës, vetëm me pjesëmarrjen e ministrit të Mbrojtjes, Arben Imami, i cili gjendej i shoqëruar në krah të sekretarit të përgjithshëm të Partisë Socialiste për Integrim, Luan Rama.

Dy vjet më parë qeveria krijoi një konflikt të hapur me deputetin e Partisë Socialiste, Dashamir Peza kur përmes një vendimi u tentua sekuestrimi i shtëpisë së famshme ku zhvilloi punimet Konferenca e Pezës dhe administrimi i saj nga Instituti i Monumenteve të Kulturës.

Por edhe LSI, një nga forcat më të spikatura për vlerësimin e kësaj ngjarjeje këtë vit u përfaqësua vetëm në nivel sekretarësh nga Luan Rama dhe jo nga kreu i kësaj partie, Ilir Meta.

Rama shoqërohej këtu nga Petrit Vasili dhe të rinj të LRI që kanë vendosur kurora me lule në monumentin e Luftës Antifashiste Nacional-Çlirimtare në këtë vend.

(ns/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Netanyahu: Do të pengoj Iranin të ketë armë bërthamore

Netanyahu: Do të pengoj Iranin të ketë armë bërthamore

26 Nëntor, 20:41