Dy punonjës të policisë së Fierit, të identifikuar si Spartak Gjiçali dhe Roland Ndreko janë vënë në pranga pasi akuzohen për ‘Shpërdorim të detyrës’ pasi dyshohet se favorizuan kultivimin e bimëve narkotike në fshatin Mujalli. Po ashtu janë vënë në pranga dhe 2 të tjerë të identifikuar si Sejdi Genica e Vezir Genica ndërsa në kërkim janë Robert Bego dhe Elez Qelai pasi nuk u gjetën në banesë.
Ata akuzohen si kultivues të lëndës narkotike pasi në korrik të këtij viti, në fshatin Mujalli në Fier u gjetën mbi 7000 rrënjë kanabis të mbjella në arat me misër. Gjatë operacionit të zhvilluar më 21 korrik, u sekuestruan 83 kg lëndë narkotike kanabis dhe 2 automjete. Aso kohe u vunë në pranga Fatjon Gremi e Amarildo Xhafa dhe u shpallën në kërkim 4 bashkëpunëtorët e tyre. Nga operacioni i koduar 'Zhavar', u sekuestruan 3 gjeneratorë, 1 radio si e Policisë dhe pajisje të ndryshme pune që shërbenin për mbjelljen dhe rritjen e bimëve narkotike.
Si u gjet lënda narkotike dhe u arrestuan 2 bashkëpunëtorë në korrik
Më 20 korrik, në fshatin Mujalli, pranë shtratit të lumit Seman, gjatë operacionit anti-drogë u gjetën dhe u sekuestruan mbi 7000 rrënjë kanabis. Po ashtu u gjetën dhe 7 thasë kanabis i vjelë. Pas kësaj, u vunë në pranga 2 persona, Gremi dhe Xhafa që rezultojnë si bashkëpunëtorë edhe në kultivimin e bimëve narkotike, në fshatin Mujalli.
Policia mori informacione se në një automjet tip "Ford" që po lëvizte nga Bypass në drejtim të Fierit kishte lëndë narkotike, organizuan punën dhe u vunë në ndjekje të tij. Gjatë ndjekjes së automjetit tip "Ford" që dyshohej se kishte lëndë narkotike, forcat e Policisë janë penguar nga një tjetër automjet tip "Benz", që i siguronte rrugën automjetit tip "Ford", i cili ka rrezikuar jetën e punonjësve të Policisë me manovrat e rrezikshme që kryente për t'i shpëtuar ndjekjes.
Në fshatin Zhavar, Fier, gjatë ndjekjes nga forcat e Policisë, automjeti tip "Ford" ka dalë nga rruga dhe drejtuesi i tij, Fatjon Gremi, 40 vjeç, banues në Fier, ka braktisur automjetin por falë ndërhyrjes së menjëhershme të Policisë, u kap në tokat e këtij fshati dhe u arrestua në flagrancë nga Policia për veprën penale "Prodhimi dhe shitja e narkotikëve" e kryer në bashkëpunim.
Pas rënies së makinës në kanal, mbërriti një karrotrec që bëri të mundur nxjerrjen e mjetit. Gjatë operacionit u kap edhe drejtuesi i automjetit tip "Benz", Amarildo Xhafa, 31 vjeç, banues në Fier, i cili u arrestua për veprën penale "Prodhimi dhe shitja e narkotikëve" e kryer në bashkëpunim. Pas kontrolleve, u sekuestruan 83 kg lëndë narkotike kanabis dhe 2 automjete.
Komente
Lajme të tjera
-
Qeveria i jep OK kompanisë greko-shqiptare për ndërtimin e termocentralit në Roskovec! Mes përfituesve, edhe Bashkim Ulaj, botues pranë Sali Berishës
18 Dhjetor, 18:22 -
Fier/ Shpërndante kokainë në doza pranë gjimnazeve, arrestohet 29 vjeçari (EMRI)
18 Dhjetor, 14:40 -
Aksident në aksin Lushnjë-Berat/ Makina përplas për vdekje 63 vjeçarin nga Durrësi (EMRI)
17 Dhjetor, 13:55 -
Në kërkim për ‘falsifikim dokumentesh’ dhe ‘largim nga vendi i aksidentit', 2 të arrestuar në Fier
17 Dhjetor, 13:23 -
Lushnjë/ Digjet automjeti në rrugën Fier-Shegan-Krutje! Shoferi sapo pa tymin që dilte nga motori njoftoi zjarrfikësit (VIDEO)
16 Dhjetor, 16:54
-
Tentoi të kalonte kufirin me kanabis në makinë, arrestohet në Muriqan 35-vjeçari nga Kosova
16 Dhjetor, 13:53 -
Fier/ Plagosi me 4 goditje thike shokun e klasës, Gjykata lë në burg gjimnazistin 17-vjeçar: Jam në ankth, s'jam në gjendje të flas (VIDEO)
16 Dhjetor, 10:14
-
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
Vlorë/ Shpërndanin kanabis në doza, arrestohen 3 persona, shpallet në kërkim një tjetër
15 Dhjetor, 13:50 -
Fier/ Kishte përshtatur lokalin e marrë me qira për të organizuar lojëra fati, arrestohet administratori! Në pranga dhe 5 të tjerë, u kapën duke luajtur poker
15 Dhjetor, 10:33 -
Fieri e Vlora pa tregje, gjelat e detit shiten në akset nacionale! Fermerët: Vështirësi për t’i rritur, u shtrenjtua misri
15 Dhjetor, 07:50
-
Fier, plagosja e 17-vjeçarit në shkollë, arrestohet autori! Flet gjyshja e tij: Ata kishin qenë 6, i morën telefonin djalit e goditën me shkelm!
14 Dhjetor, 11:56
E mor shefi madh i komisariatit erdit receku ,e bere fierin si kolumbi .
Përgjigju