Mungesa e fuqisë punëtore është kthyer në një sfidë thelbësore për bizneset shqiptare veçanërisht gjatë këtij viti.
74% e sipërmarrësve vendas shprehen se hasin vështirësi në sigurimin e fuqisë punëtore, referuar sondazhit më të fundit mbi disponueshmërinë dhe cilësinë e fuqisë punëtore të zhvilluar nga Këshilli i Investimeve.
Raporti analizon mospërputhjet në raportin punëdhënës-punëmarrës dhe përfshin rreth 250 sipërmarrës dhe 260 të rinj të anketuar gjithsej.
Nga njëra anë, sipërmarrësit rendisin si arsyen kryesore të këtij ngërçi, mospërputhjen e sistemit arsimor me nevojat e sektorit privat, sa i përket pritshmërive në aspektin e kualifikimit të fuqisë punëtore.
Nga krahu tjetër, edhe të rinjtë kanë kërkesat e tyre ndaj punëdhënësve. Pagat e ulëta mbeten faktori dominues i pakënaqësisë dhe dekurajimit të tyre nga tregun lokal, çka favorizon opsionin e largimit nga vendi apo emigrimin drejt shteteve kryesisht Europiane.
Sfidat e sipërmarrësve shqiptarë/punëdhënësi
Rreth dy vjet që nga fillimi i pandemisë dhe në vijim, një numër i konsiderueshëm punëdhënësish janë ende duke luftuar për të gjetur talente. Por, ndërsa konkurrojnë për të gjetur talente, aplikantët që paraqiten për intervista janë të paktë në numër.
Sipas sondazhit, 26% e sipërmarrësve rendisin si problematikën më shqetësuese sa i përket punonjësve, kulturën e punës, çka për drejtuesit nënkupton përgjegjshmëri, korrektësi dhe komunikimin ndaj vendit të punës. Si faktorin e dytë më të rëndësishëm, 21% e sipërmarrësve rendisin kualifikimim e papërshtatshëm të fuqisë punëtore. Ndërkohë që 16% e tyre shprehen se punonjësit iu largohen fill pasi marrin trajnimet e duhura pranë kompanive të tyre.
Nga anketimi i mësipërm rezulton se 1/3 e bizneseve nuk kanë kontaktuar askënd për të siguruar punonjës, ndërkohë që 2/3 e subjekteve kanë arritur të sigurojnë një bashkëpunim efektiv me universitetet, agjensitë e punësimit dhe zyrat e punës.
Koordinimi Institucione-Sipërmarrje dhe zgjidhjet
Raporti jep rekomandime për disa nga masat që mund të ndërmerren për të menaxhuar më mirë këtë mospërputhje kërkesë-ofertë në tregun e punës? Është e rëndësishme që sipërmarrësit të investojnë për qëndrueshmëri të stafeve aktuale duke përmirësuar paketat e shpërblimit, shëndetit dhe mirëqënies së punonjësve, riaftësim të soft-skills-eve dhe strukturim më të mirë të mundësive për karrierë.
Nevojitet një përmirësim i kulturës së punës në kuadër të një perspektivë më të qëndrueshme sa i përket punësimit, pasi pavarësisht nga ekzistenca e programeve te nxitjes së punësimit, sipërmarrjet deklarojnë mungesë informacioni për mundësitë ë përfitimit prej tyre.
Me qëllim përmirësim të mendësisë të të dyja palëve drejt krijimit të vlerave të kapitalit njerëzor, sipërmarrjet mund të bashkëpunojnë më dhomat apo shoqatat e biznesit që organizojnë trajnime, workshope apo paketa specifike me fokus mentalitetin e një drejtuesi.
Nevojitet akses i shtuar në punësim duke përfshirë institucionet shtetërore si AKPA dhe rritje e rolit të zyrave të punës në nivel vendor me qëllim tërheqjen e një game të gjërë punëdhënësish e punëkërkuesish.
Së fundmi, nevojitet më tepër bashkëpunim dhe koordinim mes aktorëve në mbështetje të tregut mes Ministrisë së Financave dhe Ekonomisë, pushtetit lokal, zyrave të punësimit, shkollave profesionale, qendrave të formimit profesional, dhomave të tregtisë dhe biznesit, agjencive private të punës dhe sipërmarrjeve shqiptare./ Monitor
Komente
Lajme të tjera
-
QKB thirrje bizneseve: Dorëzoni pasqyrat financiare vjetore brenda 31 korriku
22 Korrik, 13:49 -
Tiranë/ Vetëm 5 ditë në punë! Punëtori vdes në pallatin e nënkryetarit të shoqatës së ndërtuesve
27 Maj, 14:48
-
Anketa/ Ankohen bizneset gjermane në Shqipëri: S’ka punonjës të kualifikuar, rritja e pagave sfidë për sipërmarrjet
13 Maj, 17:19
-
Shqipëria negociata me një shtet të huaj, do marrë 40 mijë punëtorë të kualifikuar! Në qershor pritet miratimi i marrëveshjes nga Rama
8 Maj, 12:24
-
Informaliteti nuk ‘çrrënjoset’, u rrit me 9.2% vitin e kaluar! Afro 2000 punonjës u identifikuan në 2023
31 Mars, 15:33
-
Mbi 6 mijë vende të lira pune, kryeson Tirana dhe Durrësi! Kërkohen kryesisht punonjës për Turizmin e Teknologjinë
18 Shkurt, 19:05
-
Jemin Mema, pemëtari nga Prizreni punëtor sezonal në Kukës: Shteti të mbështesë fermerët për kultivimin e arrorëve
18 Shkurt, 16:04
-
Ra nga lartësia teksa po punonte në ndërtim, ndërron jetë 40-vjeçari në Himarë
2 Nëntor 2023, 18:08 -
Bizneset vendase e të huaja ankohen për mungesë punonjësish! Investitorët e huaj: Problem gjetja e stafit të kualifikuar
31 Tetor 2023, 18:46
-
Basha ‘inspekton’ nga afër biznesin e vogël në Tiranë: Jemi në krah të çdo sipërmarrësi të ndershëm
28 Tetor 2023, 12:15 -
Protestuan ndaj kompanisë turke që i hoqi nga puna e s’u dha pagat, prokuroria Fier: Po kryejmë hetime për falimentim të provokuar
8 Tetor 2023, 08:47 -
EMRI/ Ra nga 15 metra lartësi teksa punonte, humb jetën 31-vjeçari shqiptar në Greqi
12 Gusht 2023, 14:57
Duan skllever jo punetore . Pa leje te zakonshme , ore te zgjatua te punes dhe te pa paguara, pa dite pushimi , pa pushim ditet e festave , veshtirsi nate jo, page te 13-te jo e jo, paga 300 euro (qiraja 300 euro). Po nuk kuptuan punedhensit shqiptare qe puntori eshte aset i kompanise , nuk do te gjejne puntore edhe kur te risin pagat. keta jane pasuruar me punen e pa paguar te puntorit.
Përgjigju