POP 5

Lajmet më të lexuara të 5 minutave të fundit

Arkiva

8-mujori, investimet kapitale realizohen në masën 44 %

TIRANE, 11 Shtator/ATSH/- Investimet kapitale gjatë periudhës janar-gusht të këtij viti u realizuan në masën 44 % të planifikimit vjetor, pas rishikimit përmes Aktit Normativ të qeverisë. Sipas statistikave paraprake të publikuara nga Ministria e Financave, shpenzimet kapitale deri në fund të muajit gusht arritën në 27.583 milionë lekë nga 63.284 milionë lekë të planifikuara […]
/ATSH/- Investimet kapitale gjatë periudhës janar-gusht të këtij viti u realizuan në masën 44 % të planifikimit vjetor, pas rishikimit përmes Aktit Normativ të qeverisë.
Sipas statistikave paraprake të publikuara nga Ministria e Financave, shpenzimet kapitale deri në fund të muajit gusht arritën në 27.583 milionë lekë nga 63.284 milionë lekë të planifikuara për t'u investuar gjatë këtij viti.
Shpenzimet me financim të brendshëm u realizuan në masën 15.781 ose 46 % e totalit të shpenzimeve të planifikuara për t'u realizuar gjatë gjithë vitit. Referuar statistikave, shpenzimet me financim të huaj u realizuan në masën 11.802 milionë lekë nga 28.082 milionë lekë të planifikuara për vitin 2015 ose 42 %.
Shpenzimet kapitale në fund të gushtit ishin 22 për qind më të ulta se plani fillestar i periudhës miratuar ne fillim të vitit dhe vetëm 2.6 % më shumë se fakti i vitit që shkoi. Ky zë vijon të jetë një nga më problematikët e buxhetit.
Duke vlerësuar ecurinë e investimeve me financim të huaj në periudhën e parë të vitit qeveria miratoi përmes Aktit Normativ për rishikimin e buxhetit një ulje të tavanit të financimit të huaj për Ministrinë e Transportit dhe Infrastrukturës në masën 8.2 miliardë lekë dhe financimin e projekteve me burime të brendshme në masën 4.5 miliardë.
Shkaqet kryesore të mosrealizimit të investimeve me financim të huaj lidhen kryesisht me parashikime tejet optimiste të ministrive për realizimin e projekteve me financim të huaj, si dhe mosmarrjen në konsideratë të procedurave që aplikohen për projektet me financim të huaj, që ka çuar në vonesa të konsiderueshme dhe për pasojë edhe në nivelet e realizimit të konstatuara në analizën 6-mujore të ecurisë së realizimit të projekteve me financim të huaj

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Vota e diasporës kërkon ndërhyrje në Kod Zgjedhor, Berisha: Do votojmë çdo ndryshim! Jemi në negociata

10 Janar, 13:48