POP 5

Lajmet më të lexuara të 5 minutave të fundit

Kronikë

8 t kanabis, kamerat tradhëtojnë
4 policët, mori diçka në kabinë

Pamjet filmike të kamerave të sigurisë në doganën e Qafë Thanës janë ndër provat e Prokurorisë që implikojnë katë policët e arrestuar me akuzën e shpërdorimit të detyrës duke toleruar kalimin e një kamioni nga Maqedonia me 8 ton drogë transit në Shqipëri me destinacion Italinë
8 t kanabis, kamerat tradhëtojnë<br />4 policët, mori diçka në kabinë
TIRANË-Pamjet filmike të kamerave të sigurisë në doganën e Qafë Thanës janë ndër provat e Prokurorisë që implikojnë katër policët e arrestuar me akuzën e shpërdorimit të detyrës duke toleruar kalimin e një kamioni nga Maqedonia me 8 ton drogë transit në Shqipëri me destinacion Italinë.

Vetë policët e kanë mohuar akuzën por pavarësisht këtij pretendimi ndaj tyre dy ditë më parë u caktua masa e sigurisë arrest me burg.

Për herë të parë bëhet publik dhe emri i shoferit maqedonas i cili u ndalua nga policia italiane dhe rezulton se ai është shtetasi Zoran Stajonoski pa precedent të mëparshëm penal ndaj të cilit gjykata italiane po ashtu ka caktuar masën arrest me burg.

Një tjetër provë e akuzës është dhe fakti se kamioni me targa maqedonase i ngarkuar me 8 ton kanabis nuk është regjistruar në sistemin TIMS dhe pse ligjërisht ai nuk mund të kalonte transit pa kryer këtë procedurë.

Sipas përshkrimit të pamjeve të datës 4 shkurt, që janë pasqyruar në vendim, thuhet se në orën 17:14 minuta kamioni me drejtuesin Zoran Stajonoski i ngarkuar me 8 ton hashash afrohet pranë peshores që ndodhet afër kabinave të kontrollit të punonjësve të policisë.

Aty zbret shoferi dhe kthehet pas 7 minutave. Por një minut pas kthimit të shoferit Stajonoski në kabinën e kamionit, aty afrohet një punonjës policie I veshur me jelek fosforishent, i cili hap derën e pasagjerit të kamionit, duke u futur në kabinën e mjetiti.

Nga pamjet e përshkruara nga oficeri policisë gjyqësore, thuhet se punonjësi i policisë merr ose lë diçka brenda kabinës, pa qenë në gjendje të dallohet se çfarë dhe largohet.

Vetëm pas largimit të policit shoferi Stajanoski afrohet pranë pikës së kontrollit për t’iu nënshtruar procedurave të hyrjes. 

Çlirim Pepa, Ervin Kodra, Lirim Halili dhe Syrja Tereziu janë efektivët e arrestuar të cilët tashmë përballen me Prokurorinë e Krimeve të Rënda.

(d.b/Shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça