8 viktima për 4 ditë, drejtori i Policisë Rrugore për javën e sigurisë: Fushatë sensibilizuese, kufiri maksimal i shpejtësisë 30 km/orë

Kjo javë e sigurisë rrugore ka prodhuar një bilanc tragjik me 8 viktima për 4 ditë nga aksidentet rrugore. Drejtori i Policisë Rrugore Mitat Tola përmes një postimi në rrjete sociale thotë se 17 Maj - 24 Maj 2021 është zgjedhur “UN Global Road Safety Ëeek” si java e 6-të Globale e Sigurisë Rrugore. Fushata sensibilizuese një javore, thotë ai, e ka theksin tek mesazhi që rrugët duhet të kenë të kufizuar shpejtësinë e lëvizjes 30 km/orë.

“Java 17 Maj - 24 Maj 2021 është zgjedhur “UN Global Road Safety Ëeek" Kjo është java e 6-të Globale e Sigurisë Rrugore. Fushata sensibilizuese një javore, e ka theksin tek mesazhi që rrugët duhet të kenë të kufizuar shpejtësinë e lëvizjes 30 km/orë.

Kjo nismë globale përqafohet edhe nga aktorët kryesorë të sigurisë rrugore në Shqipëri. Policia Rrugore këtë javë veç pjesëmarrjes në aktivitete, është e pranishme më shumë në zonat urbane, në lagjet e brendshme të qyteteve ku është sanksionuar me ndryshimet e Kodit Rrugor, kufiri maksimal i shpejtësisë 30 km/orë. Lëvizja me 30 km/orë mundëson që rrugët të jenë më të sigurta, më të gjelbërta dhe më të jetueshme”, thotë ai.

LEXO EDHE:
Presidenti Begaj në panairin bujqësor të Lushnjes: Mirënjohje për ata që u janë rikthyer tokave, rol patriotik

Lajmi kryesor:

FOTOLAJM/ Pas raportimit në Report Tv, ARRSH merr menjëherë masat, mbush gropat dhe vendos sinjalistikën në 'rrethrrotullimet e rrezikshme'

TAG:
• aksident
• ARRSH
• lushnje
• siguria rrugore