Zyrtarja spanjolle në një letër të hapur publike ka dhënë sqarime ndaj çdo të interesuari apo kritiku mbi bordin që ajo drejton. Nisur nga kërkesa e eurokomisionerit Hahn dhe në dijeni të kryeministrit Rama, Calavera sqaron se njësia që ajo drejton ka si qëllim, lehtësimin e bashkimin e punës e KE me SHBA në këtë proçes të Reformës shqiptare në Drejtësi.
Letra e Calavera
“Në vijim të deklaratës së Komisionerit Hahn dhe vëmendjes së Kryeministrit më është kërkuar të japë sqarime shtesë duke plotesuar informacionin në letrën e mëposhtme. Grupi i ONM ka natyrë të pastër administrative. Detyra e tij nën udhëheqjen time mund të krahasohet me atë të njësisë së menaxhimit të projektit qëllimi i së cilës është të lehtësojë dhe të bashkojë punën e Komisionit Europan dhe të qeverisisë së SHBA.
Së dyti më lejoni të theksoj se të gjitha rekomandimet në lidhje me zgjedhjen e kandidatëve për formimin e organeve të Vettingut dhe e ardhmja e procesit të Vettingut do të jetë nën mbikëqyrjen e vëzhguesve ndërkombëtar ose do të emërohet nga ONM. Më lejoni të nënvizoj se ONM është një strukturë jo ekzekutive, detyra e të cilës është vetëm të monitorojë dhe të sigurojë rekomandimet përmes procesit të Vettingut. Të gjitha vendimet ekzekutive i takojnë institucioneve ekzekutive të Shqipërisë”.
Së fundmi për të lehtësuar komunikimin dhe për të shmangur cdo lloj konfuzioni në të ardhmen sa i përket ONM do t’i referohem vetëm shkëmbimeve zyrtare”, thotë Calavera duke mbyllur letrën.
Por më shumë se shqetësimeve të Hahn dhe kryeministrit, zyrtarja spanjolle i ka dhënë përgjigje kërkesave të vazhdueshme të ministrit të Drejtësisë, Petrit Vasili. Në disa letra drejtuar, krerëve më të lartë të vendit, Vasili e konsideron bordin e ONM, antikushtetues.
![cavalera](http://www.shqiptarja.com/foto/274948.jpg)
(d.b/Shqiptarja.com)
![](https://www.shqiptarja.com/template/img/sh_logo1.png)