​E kapi për fyti, Kjaer ka një
mesazh për Ibrahimovicin

Mbrojtësi danez, Simon Kjaer bëri një ndeshje të mirë ndaj Manchester Unitedit. Skuadra e tij triumfoi 2-1 falë dy super golave nga sulmuesit Moussa Sow dhe Jermaine Lens.
Por gëzimi u shua pasi danezi pati një konflikt me yllin suedez të Manchester Unitedit, Zlatan Ibrahimovic.

Pas ndeshjes Kjaer ka deklaruar se ajo që ndodhi në fushë është pjesë e lojës, madje e ka cilësuar Ibrahimovicin si një futbollist arrogant.
 
“Nuk e dëgjova atë çfarë tha, por mund të them se ai është një futbollist shumë arrogant”.

“Këto gjëra ndodhin gjithmonë në futboll dhe duhet të kuptohen. E rëndësishme ishte fitorja jonë dhe jo ajo çfarë bëri ai futbollist”, deklaroi Kjaer.


(Zlatan Ibrahimovic kap per fyti danezin Simon Kjaer)


(Simon Kjaer inatoset me Ibrahimovic)

(d.b/Shqiptarja.com)