Gjatë një aksioni anti-drogë policia finlandeze ka bërë të mundur shkatërrimin e një grupi në të cilin ishin të përfshirë edhe shqiptarë.
 
Grupi po tentonte të fuste në tregun finlandez një sasi të madhe droge. Gjatë operacionit janë sekuestruar 16 kilogramë amfimetaminë, 8 kile kokainë  si dhe më pak se një kile droge e kristalizuar.
 
Drogërat  janë sekuestruar në një apartament në Vantaa Länsimäk dhe sasia e drogës së kapur është cilësuar si një nga më të mëdha të kapura brenda Finlandës.
 
Ndërkohë vlera e drogës së sekuestruar ishte rreth 1.5-2 milionë euro nëse do të llogaritej me çmimet përkatëse që këto lloj drogërash kanë në treg.

Droga Finland
(Droga e kapur në Finlandë)

Redaksia online
D.T/Shqiptarja.com