Fruti i dragoit është një frut që rritet në zonën e Amerikës Qëndrore, dhe shumë pak mund të keni dëgjuar për të.

Emrin e ka marrë “Fruti i dragoit”, për shkak se forma dhe ngjyra e tij e ndezur ngjan me sferën e flaktë që lëshon dragoi mititk.

Ky frut në pamje të parë të ngjason me artiçokën, por ngjyra e lëkurës së tij është prej ciklamini, ndërsa brenda ka ngjyrë të bardhë ose rozë të errët në varësi të bimës, dhe veçantia e saj është te farat e shumta, karakteristikë kjo për të gjitha frutat që prodhohen nga kaktusët.
 
Fruti i dragoit prodhohet nga një lloj kaktusi i cili rritet vetëm në Amerikën Qëndrore.
 
Ky lloj fruti i panjohur në Shqipëri ka një shije vërtet të veçantë që ngjason me një miksim të kivit dhe dardhës.
 
Gjithashtu nuk mund të lihet pa përmendur vlerat shëndetësore që mbart ky frut, pasi është I pasur me vitaminë B dhe C dhe ka pak kalori.
 
Studimet e kryera mbi këtë furt kanë zbuluar se është efikas në luftën kundër kancerit të prostatës, si edhe mbron zemrën.

Ky frut nuk njihet në Shqipëri, pasi nuk është eksportuar ende, por edhe në Evropë njihet shumë pak.
 
[gallery]23132[/gallery]

Redaksia Online
Er.K/Shqiptarja.com