​Gazetari Artan Hoxha në Prokurori
i kërkohen kodet e celularëve

Gazetari Artan Hoxha ka qenë sërish sot në ambientet e Prokurorisë ku është thirrur nga hetuesit në lidhje me hetimin për avionin italian që ra në Ishëm. Gazetari akuzohet se ka dekonspiruar operacionin ‘Ishmi’ të policisë.

Gazetarit Hoxha i është kërkuar të japë kodet me qëllim që hetuesit të zhbllokojnë 2 aparatet celulare që ai posedonte mbrëmjen kur u ndalua pas një emisioni televiziv.

Mësohet se gazetari u ka thënë prokurorëve se; ‘nuk i jap kodet, sepse ruaj burimet e mia të informacionit’.

Ndërkaq gazetari është shprehur publikisht ditë më parë se në celularë ka informacione që do të trondisnin skenën politike.

(d.b/Shqiptarja.com)
 

TAG:
• Artan Hoxha