​Japonezi Yoshinori Ohsumi
fiton Nobelin për Mjekësi

Yoshinori Ohsumi, nga Japonia, ka fituar Çmimin Nobel për Mjekësi, 2016. Fituesi i Nobelit të Mjekësisë është bërë i ditur vetëm pak përpara mesditës së kësaj të hëne nga asamblesja e Institutit suedez Karolinska me seli në Stockholm.

Atij i është njohur zbulimi në autofagi, përkatësisht mënyra se si trupi riciklon komponentët qelizorë.Autofagi është një proçes i projektuar për të eleminuar apo recikluar qeliza të dëmshme dhe funksioni i saj ka një rol të madh e të dobishëm për organizmin e njeriut. Zbulimi i tij ndihmon në shpjegimin se çfarë  nuk shkon në trupin e njeriut të prekur nga një sërë sëmundjesh, nga kanceri e deri te Parkinsoni.  Autofagia është një mekanizëm i cili i lejon qelizave të hanë veten e tyre për tu rinovuar më pas. 

Ekzistenca e këtij mekanizmi  është njohur që në vitet 60 por vetëm hulumtimi i biologut japonez hodhi dritë mbi aktivizimin e tij .

Puna e Ohsumit thuhet se i ka hapur rrugë kuptimit të “shumë proceseve fiziologjike, të tilla si përshtatja ndaj urisë apo përgjigjja ndaj infeksionit”.
Çmimi ka vlerën e 930,000 dollarëve.

Ohsumi u zgjodh mes 273 shkencëtarëve të nominuar për këtë vit.  71 vjecari në reagimin e tij të parë tha se ishte në laborator duke punuar kur mori vesh lajmin .” Jam i surprizuar dhe i nderuar” shtoi Ohsumi.
 
Vitin e kaluar, fitues të këtij çmimi prestigjioz u shpallën 3 shkencëtarë, të cilët punuan për luftën e mjekëve ndaj sëmundjes së malaries dhe infeksioneve të shkaktuara nga parazitët të ndodhur në zorrët e gjitarëve.

Java e çmimeve ‘Nobel’ ka nisur sot dhe do të vazhdojë me çmimet në Fizikë, Kimi, Letërsi, për Paqe dhe Ekonomi.

Çmimet për arritjet në Shkencë, Letërsi dhe Paqe janë dhënë për herë të parë në vitin 1901, në përputhje me vullnetin e industrialistit suedez. Alfred Nobel.

(d.b/Shqiptarja.com)