Komisioni i disiplinës në FIFA ka vendosur sot të dënojë gardianin kuqezi për sjellje antisportive mbrëmjen e 12 nëntorit në "Elbasan Arena", pasi goditi me kokë kapitenin e Izraelit, Eran Zahavi.
Krahas dënimit me dy ndeshje pezullim, FIFA e ka gjobitur Berishën edhe me 5 mijë franga.
Etrit Berisha do të mungojë në ndeshjet ndaj Italisë në mars dhe Izraelit në qershor të 2017-ës.
Dënimet e FIFA-s kanë shkuar edhe për Federatën Shqiptare të Futbollit e cila është dënuar me 10 mijë franga gjobë, për sjelljen e tifozëve gjatë ndeshjes dhe vërshëllimin e himnit izraelit.