​Kreu i FRPD: Blerja e votave të
demokratëve, kambanë alarmi

Kryetari i Forumit Rinor të Partisë Demokratike, Belind Këlliçi, ka përkujtuar 19-vjetorin e ndarjes nga jeta të Azem Hajdarit. Në faqen e tij zyrtare në Facebook, Këlliçi shkruan se sot duhet të jemi kokulur para Azemit, jo vetëm nga nderimi për veprën e tij, por edhe nga turpi.

Më tej, ai shton se para 19 vitesh trashëgimtarët e diktaturës komuniste duhet ta vrisnin deputetin e PD se nuk tradhtonte idealet, ndërsa sot e bëjnë më lehtë, e blejnë me para, e kapin me presion.

Duke komentuar zgjedhjen e Gramoz Ruçit kryetar Kuvendi edhe me votat e demokratëve, kreu i FRPD thekson se blerja e votave të demokratëve është një këmbanë alarmi për çdo demokrat dhe njeri të lirë të këtij vendi.

“Sot duhet te jemi kokeulur para Azemit, jo vetem nga nderimi per vepren e tij, por edhe nga turpi. Para 19 vitesh trashegimtareve te diktatures komuniste u duhej ta vrisnin deputetin e PD se ai nuk tradhetonte idealet, ndersa sot e bejne me lehte, e blejne me para, e kapin me presion. Blerja e votave te demokrateve ne favor te Gramoz Rucit eshte nje kembane alarmi per cdo demokrat, per cdo njeri te lire te ketij vendi. Si kryetar i FRPD ndjej detyrimin te theksoj se te rinjte demokrate gjenden para nje sfide edhe me te veshtire. Sot duhet te zgjedhim te jemi rober te krimit ose te perballemi me kedo qe perdhos lirine dhe dinjitetin tone. Per ta luftuar kete te keqe, kapjen e demokracise duhet te mesojme pa me te voglin hezitim nga brezi i Azemit. FRPD ka detyrimin te perballet per nje demokraci te vertete, qe nis nga PD e shtrihet kudo ne shoqerine tone. Nderim perjete Azem Hajdarit”, shkruan Këlliçi në mesazhin e tij.

Redaksia Online
D.Ç./Shqiptarja.com

TAG:
• gramoz ruçi