“Ne kemi gjithnjë e më shumë arsye të besojmë se që prej fillimit plani ishte të mbrohej Fronti Al Nosra dhe të ruhej si plan B në momentin kur të vinte koha për të ndryshuar regjimin”, deklaroi Lavrov në një intervistë të publikuar në televizionin britanik “BBC World News”.
“Ata kanë premtuar se është prioritet të bëjnë një ndarje mes opozitës së moderuar dhe Frontit Al Nosra (…) ata ende nuk janë të aftë ose nuk kanë dëshirë ta bëjnë këtë”, vazhdoi ai.
“Kjo ndarje mes opozitës së moderuar dhe Frontit Fateh al-Cham është e vetmja gjë e nevojshme që marrëveshja ruso-amerikane e armëpushimit të aplikohet”, tha Lavrov.
Ai i bëri komentet në përvjetorin e parë të nisjes së fushatës ajrore ruse në Siri ku mbrojti bombardimet e Rusisë në qytetin e rrethuar të Alepos.
Kombet e Bashkuara kanë thënë se 400 civilë, përfshirë shumë fëmijë, janë vrarë nga sulmet e kësaj jave në këtë qytet.
(d.b/Shqiptarja.com)
![](https://www.shqiptarja.com/template/img/sh_logo1.png)