Niveli i Liqenit të Shkodrës është në pikën e tij kritike, thatësira e madhe ka bërë që në sipërfaqe të dalin problemet e mëdha që ka ky bazen ujëmbledhës.

Papastërtitë e shkaktuara nga dora e njeriut, por edhe lënia në harresë nga ana e baskisë, ka bërë që plehra të shumta të dominojnë bregun e këtij liqeni.

Janë vetëm disa aktivist dashamirës të natyrës dhe ruajtjes së vlerave që ajo ka, të cilët me mundësitë e tyre po bëjnë pastrimin e bregut të liqenit të Shkodrës.

Edhe pse mesazhi është sensibilizues, sipas organizatorit të shoqatës “Eko-Mendje”, kaq nuk mjafton, por duhet ndërhyrje më e madhe pasi problemet e këtij liqeni janë të mëdha
 
“Gjendja mbeturinave në bregun e liqenit është shumë e rënduar, për këtë morëm iniciativën për ta pastrua, por 30 persona nuk mjaftojnë, pasi liqeni i Shkodrës ka nevojë për më shumë ndihmë, nga ana e ujërave të zeza, ka shumë probleme. Ne po bëjmë një pastrim sensibilizua, shpresojmë që dhe të tjerët të ndërgjegjësohen mos të hedhin më mbeturina”, shprehte aktivisti i “EKO Mendje”, Mirsad Basha.

I ndodhur vetëm 6 metra mbi nivelin e detit me një sipërfaqe prej 368 km², nga të cilat 149 km² me një gjatësi brigjesh prej 57 km i përkasin Republikës së Shqipërisë, ndërsa 2/3 Malit të Zi.

I njohur për shumëllojshmëri të faunës dhe i pasur me 45 lloje peshqish e 270 lloje shpendësh, nga niveli i ulët i liqenit dhe mungesa e kujdesit rrezikohen të zhduken.

[gallery]23687[/gallery]

Redaksia Online
J.Sh Shqiptarja.com