Kryeministri, Edi Rama, ishte i pranishëm sot në një takim elektoral në Lushnje, nga ku ka  sqaruar edhe se pse ndodhi krisja meLSI-në. Sipas Ramës ndarja filloi për reformën në drejtësi, pasi LSI shpreson akoma se reforma nuk do të bëhet.

“Krisja me ta nuk ka nisur tani. Krisja me partnerin e koalicionit ka nisur me votimin e reformës në drejtësi. Ata ëndërrojnë akoma se ajo nuk do të zbatohet”, tha Rama.

Ndërkohë, Rama  komentoi edhe spotin e PD-së ku Rama shfaqet si një drejtues automjeti pa patentë që aksidentohet.

“I them partisë së patentave, se unë nuk po ju ftoj në një garë me makina. Vërtetë s’kam patentë, por s’është e njëjta gjë”, tha Rama.

Redaksia Online
J.Sh Shqiptarja.com