​Nuk i ndaloi policisë, kapet i riu
me kacavidë, thikë e kanabis në makinë

DURRËS-Një 31-vjecar është ndalur nga policia pasi nuk i është bindur urdhrit për të ndaluar makinën.

Gjatë kontrollit u zbulua se i riu mbante në makinë, kacavidë, thikë dhe pak kanabis por dhe targa motori  disa telefona celularë.

Sipas policisë këto mjete shërbejnë për të kryer vepra penale.

Në këto kushte, specialistët për Krimet në Komisariatin e Policisë Durrës arrestuan në flagrancë shtetasin, Viktor Vezi 31 vjeç, banues në Tiranë, me precedentë penalë të mëparshëm.

“Më datë 06.06.2017, në lagjen Nr.17, Durrës nuk I është bindur urdhërit të punonjësit të policisë për të ndaluar. Në vijim ëshrë ndjekur nga Efektivet e Policisë, të cilët kanë bërë të mundur kapjen dhe arrestimin e tij”, citon Policia në njoftimin për shtyp.
Gjatë kontrollit të ushtruar në mjet janë gjetur dhe sekuestruar në cilësinë e provave materiale sende që shërbejnë për të kryer vepra penale.
• një sasi lënde narkotike e dyshuar e llojit Cannabis Sattiva;
• thika;
• kaçavida;
• targa motori;
• disa telefona celularë.

Nga verifikimet, shtetasi i mësipërm rezultoi person me precedent penalë të mëparshëm në fushën e veprave penale kundër pronës dhe kundërshtim të uniformave blu.
 
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale" Sigurimi I mjeteve për vjedhje", " Mosbindja ndaj urdhrit të punonjësit të policisë së rendit publik", "Prodhimi dhe shitja e narkotikëve" dhe" Prodhimi dhe mbajtja pa leje e armëve të ftohta" parashikuar në nenet 142, 242, 283 dhe 279 të Kodit Penal.

(d.b/Shqiptarja.com)
 

/Shqiptarja.com