Të pranishmit referuan mbi jetën dhe veprën e At Zef Pllumit.
“Ne jemi të vegjël përpara figurës së tij, kontributit që ka pasur, asaj që ndërtoi dhe asaj që la pas. Për kujtesën e të gjithëve e sidomos të të rinjve, më lejoni të them që është një kënaqësi e madhe të jemi këtu së bashku me rinjtë sepse është si të kemi vënë një amanet të tij, që historia dhe kujtesa të mbetet mes nesh e të përcillet” tha Suela Bala, përgjegjese e Bibliotekes Lezhe
Kryetari i Bashkisë Lezhë Fran Frrokaj u shpreh se At Zef Pllumi është një pjese e historisë së kombit shqiptar e cila nuk duhet harruar asnjëherë.
“Më vjen shumë mirë që jemi të ndjeshëm ndaj këtyre aktiviteteve. Personazhi i tij duhet kujtuar është pjesë e historisë së kombit”, tha Frrokaj.
At Zef Pllumi do të mbesë gjatë në memorien e të gjithëve për veprimtarinë e tijë të shkëlqyer si klerik dhe shkrimtar gjithashtu edhe për kalvarin e vuajtjeve për 26 vjet në burgjet e komunizmit. At Zef Pllumi ka ndërruar jetë me 26 shtator të vitin 2007, moshën 83 vjeçare.
Redaksia Online
J.Sh Shqiptarja.com