“Klubi nuk ka shpenzuar aq shumë në merkato, pasi nëse duhet të konkurrojmë me klube të mëdha na duhet që të bindim lojtarë të mëdhenj”, ka thënë lojtari, por ka qenë e menjëhershme përgjigja e Rummenigge.
“Është për të ardhur keq nëse e sheh në këtë këndvështrim, sepse besnikëria është pjesa e ADN-së së Bayernit dhe shumë e rëndësishme për tifozët tanë. Me këtë filozofi kemi arritur sukses për një kohë të gjatë, mesa duket Roberti është i irrituar nga transferimet e PSG-së, por ai është i punësuar me ne dhe është një lojtar që fiton goxha para.
Më vjen keq që i ka thënë ato fjalë. Kushdo kritikon klubin dhe shokët e skuadrës do ketë probleme me mua. Ai ka gënjyer njëherë sezonin e shkuar, kur tha se shokët nuk e kishin ndihmuar mjafuteshëm”, tha Rummenigge për “ Sport Bild”.
Sipas gazetës gjermane, sulmuesi polak rrezikon që të gjobitet me 50 mijë euro, e njëjta shumë që u penalizua edhe Philip Lahm në vitin 2009, kur doli kundër politikave të klubit.
Redaksia Online
l.q/Shqiptarja.com