​Rrëzohet në dush, dëmtim i
rëndë për Erando Karabecin

Kapiteni i Tiranës, Erando Karabeci, ka pësuar një dëmtim shumë të rëndë, por jo në fushën e lojës apo në stërvitje. Lojtari është rrëzuar në shtëpinë e tij, duke dalë nga dushi.
 
Pasi ka rrëshqitur, Karabeci është përplasur me një pajisje hidrosanitare në banjë, e cila është thyer dhe i ka shkaktuar një çarje të thellë një centimetër dhe të gjatë 2o centimetra në kofshë, ndërkohë që lojtari ka humbur ndjenjat.
 
Familjarët e kanë çuar me urgjencë në spital, ku i është nënshtruar operacionit që zgjati për rreth një orë. Mjekët i kanë bërë 20 të qepura në kofshë dhe vetëm pas një jave do të mundë të mbështesë këmbën në tokë, ndërsa për të ecur do t’i duhen gjashtë javë.
 
Procesi i riaftësimit do të zgjasë e pakta dy muaj, çka bën që ai të humbasë ndeshjet e fazës së tretë.
d.i./Shqiptarja.com