Situatat e zjarreve vazhdon të mbetet problematike në të gjithë territorin e vendit tonë.

Gjatë 24 orëve të fundit janë evidentuar 10 vatra të reja zjarri në Shkodër, Lezhë, Tiranë, Durrës Elbasan dhe Fier.

Drejtoria e Përgjithshme e Emergjencave Civile vazhdon që të mbajë nën monitorim vatrat e zjarrit, ndërkohë që për fikjen e tyre janë angazhuar 60 zjarrfikës dhe 15 automjete, si dhe forca ushtarake dhe helikopterë.

Sipas EC, situata e zjarreve është nën kontroll edhe pse era e fortë dhe terreni i vështirë malor e ka vështirësuar ndërhyrjen e zjarrfikësve. 

Redaksia Online
D.T/Shqiptarja.com