Kur ndjeheni se jeni të zënë në mendime dhe emocione negative, një nga mënyrat më të mira për të testuar shëndetin tuaj mendorë, apo për të kontrolluar emocionet tuaja, është të folurit me zë të lart me veten.

Psikologët rekomandojnë se të folurit me veten për mënyrën se si ndjehemi, duhet të bëhet një zakon që duhet përsëritur sa më shpesh.

Shumë prej jush do të mendojnë se do të jetë e çuditshme të flasësh me veten, por do të ndryshoni mendje kur të shikoni rezultatet.

Pyetjet dhe përgjigjet me zë të lartë me veten do t’ju ndihmojnë në arritjen e një marrëveshje për një situatë ose problem apo gjetjen e një zgjidhje, sipas psikologëve.

“Të folurit me veten ose me një person imagjinarë, do ti ndihmojë njerëzit të mendojnë për veten e tyre në të njëjtën mënyrë që ata mendojnë për të tjerët.

Kjo gjë do ti ndihmojë ata të distancohen nga emocionet dhe problemet e tyre, gjë e cila shumë shpesh mund të bëhet e dobishme për të kontrolluar emocionet”, thotë Jason Moser, një profesor në Universitetin e Michigan.

Redaksia Online
J.Sh Shqiptarja.com