​Tifozët e Marsejës nuk e falin
tradhtarin, “varet” Valbuena

Tifozët e Marsejës nuk dinë të falin. Mathieu Valbuena ka luajtur për  8 vite dhe 265 ndeshje zyrtare për Olimpikun e Marsejës, por tashmë që është larguar prej tij për të luajtur për Lionin ai nuk është thjesht një kundërshtar por një tradhtar për tifozerinë e Marsejës.
 
Të dielën në mbrëmje në derbin e Francës, në “Velodrome”, Valbuena u paraqit si kundërshtar, duke u vërshëllyer nga i gjithë stadiumi. Madje tifozët vendas e kanë çuar deri në ekstrem urrejtjen e tyre duke shfaqur një kukull të varur me fanellën e tij dhe shkrimin “Lojtarët që e ndjejnë veten të OM (Marsejës) luajnë me Marsejën, t’i je tradhtar”.
 
Acarimi i tifozerisë ka qenë shumë i madh saqë gjyqtari është detyruar të ndërpresë për 25 minuta ndeshjen derisa të qetësohet situata. Sakaq, edhe ndërhyrjet ndaj tij në fushën e lojës kanë qenë vërtet të ashpra, saqë i kuqi i Alesandrinit ka ardhur pikërisht në këtë formë për vendësit, që kanë parë edhe një penallti kundër tyre. E teksa Valbuena ka kërkuar ta godasë, por Lakazete nuk e ka lënë dhe ka shënuar ai nga pika e bardhë. Ndeshja ka përfunduar barazim 1-1.




Redaksia Online
(f.s/shqiptarja.com)