84 vota për të kaluar amnistinë fiskale në Kuvend, Ibrahimaj: Duhet akti për rregullimin e zinxhirit të informalitetit

 

Qeveria do të shfrytëzojë muajt korrik e gusht për konsultime publike për të gjetur konsensusin e biznesit, shoqërisë por edhe politik në kushtet ku për të kaluar në Kuvend, amnistisë fiskale i duhen 84 vota.

Në intervistën për "5 pyetjet nga Babaramo", ministrja Delina Ibrahimaj theksoi se duhet të kalojë si ligj nëse merr votat e duhura në parlament dheshtoi se është e bindur që ekonomia ka nevojë për këtë impuls.

"Ligji duhet të diskutohet. Nëse merr konsensusin e duhur dhe votat e duhura në parlament, duhet të kalojë. Jam e bindur që ekonomia shqiptare ka nevojë për këtë impuls dhe familjet kanë nevojë të legalizojnë ato para dhe të mos jetojnë duke gjetur mënyra si të blejnë pasuri e të evitojnë dicka që është fakt. Informaliteti është fakt. I duhet dhënë kjo mundësi bizneseve dhe indiviëve që të mos kenë incentiv për të nëndeklaruar apo blerë një pasuri që ka vlerë më të lartë por blihet me kosto më të ulët dhe pjesa tjetër merret cash. Pra duhet një akt që të rregullojë një zinxhir informaliteti. Nëse ky akt nuk ndodh, do të jetë i tillë dhe në të ardhmen", tha Ibrahimaj.

Lajmi kryesor:

Delina Ibrahimaj në Report Tv: Duam të blejmë produktet e lëndëve të para me një fond të veçantë! Amnistia fiskale lindi nga nevoja për të ardhura

A.M./LR/Shqiptarja.com

TAG:
• 5 pyetjet nga babaramo
• Delina Ibrahimaj